影片
更多
2015-07-29
204 浏览
是日原本约朋友嚟元朗食鸡⋯未揾到间铺之前，竟然俾我离远望到有堆人系前面排长龙，八卦心驱使下，同朋友行过去望望系咩餐厅⋯拉面天王？分店？新开？哈哈哈⋯真系非一般嘅遇上！既然非一般遇上情况之下，就即场排队试试啦，反正早饭都未食^^"铺头门面大致同红磡间铺差唔多，只系正门左右摆位唔一样，个灯笼超级大！应该高过我本人^_^''排左20分钟左右就轮到我地喇，店内只有bar台冇order台，容纳到十几个人左右，铺头细细，但感觉还算宽敞，张木凳比较重，想移动都比较难控制，但感觉怀旧，同铺头装修好相衬，重要系凳面够圆，坐得舒服。白、黑、赤天王就系铁定嘅面食，而今期限定天王系～胡椒天王。哗，正呀！但系今日又想食辣多啲，咁就同朋友一齐点左赤天王，面条硬度、口味、香油都拣左普通，由于怕太饱，我地都要求师傅俾半个面嘅份量我地就可以，因为我地仲order左一份烤饺子！同两支可乐！等左一阵，热辣辣嘅拉面上台喇！唔客气喇～猪骨汤底好香，微微嘅辣度，可以饮多几啖再食面，普通硬度嘅面条口感啱啱好，索晒汤汁精华，啖啖滋味！配料黑木耳同椰菜好新鲜，叉烧好味左㖞！肉质松软，肥瘦度啱啱好。味蛋留返最后先食，因为太爱佢喇！好好味
是日原本约朋友嚟元朗食鸡⋯未揾到间铺之前，竟然俾我离远望到有堆人系前面排长龙，八卦心驱使下，同朋友行过去望望系咩餐厅⋯拉面天王？分店？新开？哈哈哈⋯真系非一般嘅遇上！
既然非一般遇上情况之下，就即场排队试试啦，反正早饭都未食^^"
铺头门面大致同红磡间铺差唔多，只系正门左右摆位唔一样，个灯笼超级大！应该高过我本人^_^''
排左20分钟左右就轮到我地喇，店内只有bar台冇order台，容纳到十几个人左右，铺头细细，但感觉还算宽敞，张木凳比较重，想移动都比较难控制，但感觉怀旧，同铺头装修好相衬，重要系凳面够圆，坐得舒服。
白、黑、赤天王就系铁定嘅面食，而今期限定天王系～胡椒天王。哗，正呀！但系今日又想食辣多啲，咁就同朋友一齐点左赤天王，面条硬度、口味、香油都拣左普通，由于怕太饱，我地都要求师傅俾半个面嘅份量我地就可以，因为我地仲order左一份烤饺子！同两支可乐！
等左一阵，热辣辣嘅拉面上台喇！
唔客气喇～猪骨汤底好香，微微嘅辣度，可以饮多几啖再食面，普通硬度嘅面条口感啱啱好，索晒汤汁精华，啖啖滋味！配料黑木耳同椰菜好新鲜，叉烧好味左㖞！肉质松软，肥瘦度啱啱好。味蛋留返最后先食，因为太爱佢喇！好好味～
食到一半，再加入台面免费嘅辣芽菜！辣度指数即时增加！好辣呀，但愈辣就愈想再食，返唔到转头。
烤饺子烤得啱啱好，外皮香脆，内馅肉汁仲好juicy! 朋友话个饺子汁好正，点饺子食一流，但我就钟意就咁食，贪佢够原汁原味。
我地用左最快嘅速度食完一碗面，因为见到门外仲有条人龙，将心比己，所以快快脆食晒，等其他人都可以快快入嚟开餐。
张贴
