健康食品拉麵 (威利大廈)

营业中

休息中

Lunch 时间要去donki买啲嘢，打算喺附近快食。之前朋友讲过呢间拉面系日本人开geh，个名又几特别，见去开附近所以就去试一试。一拎起餐牌就见到啲拉面系以蔬菜做主打，即刻嗌个溏心蛋拉面加菠菜。等咗阵，碗面终于摆到上枱。佢同一般拉面铺真系好唔同，唔会同低摆到靓一靓，重点都唔系块叉烧/蛋𠮶到。但所有嘢食落去geh感觉又真系好似佢铺头名咁，点都会有菜味，食落好似好健康咁。讲番碗面先，叉烧唔系话好特别，溏心蛋亦都无话点流心，面质咬落去都系正常。之不过佢个汤底饮落去系舒服，唔会涸喉要系咁饮水，有一种清清哋geh感觉。食完都觉得可以下次再嚟食。如果你系追求汤底要好够味，叉烧要烧得好靓，面质要弹牙/ 面香要足够，呢到就未必啱你。但想有一个非一般拉面geh感觉，值得嚟呢到试一试。