花木日本料理 (已結業)

星期日晚同屋企人谂住食好啲，我地去左尖沙咀一间高级日本餐厅到食晚饭。喺呢到食饭简直系高级既享受。由踏入餐厅已经感受到舒适既环境，到坐低时侍应递上热毛巾比我地抹手， 呢啲细节位已经赢哂。我地点左知泽蟹，呢道前菜好特别，佢系将啲蟹仔拎去炸，食落去脆卜卜，好得意。啲泽蟹系养喺水缸入面，新鲜即叫即煮。另一个前菜系香葱吞拿鱼腩蓉薄脆，吞拿鱼蓉好新鲜，配埋薄脆，口感丰富。全晚最正既就系呢个花木特选寿司10本，有10款唔同既寿司，满足想试唔同野既愿望。仲有呢个活帆立贝，放喺炉上面慢慢烧，劲鲜甜！我地仲叫左烧鸡软骨、牛舌同埋牛肉露笋卷，好香口。最后，食埋呢个花木甜品就完美喇，入面全部都系我至爱既日本甜品，精致又好味！