影片
更多
2023-03-27
242 浏览
上星期六虽然落暴雨，但好彩系去《淡路》食omakase。事关我一食完行出门口即刻落暴雨，谂住今次奶野啦。点知餐厅职员即刻俾左把遮我，仲叫我唔使还😲原来餐厅好细心咁特别准备左啲遮俾客人以防不时之需。真系好sweet🥰可以话系野食同service都十分出色👍🏻餐厅取名位于日本西部既岛屿淡路岛，装修都系木系为主。一行入去见到bar枱位置，大概有9个座位。另外有3间房，每间可以坐4个人，亦可合并成为一间大房，坐到12人左右。当日系食午餐，而午餐其实得1个omakase set架啫。就系$980有14品既omakase set。由于餐厅要准备食材，记得要起码1日前book位呀。如果直接walk in既话净系可以嗌个$680 9件寿司既omakase set。《竹》$980前菜2款、刺身2款、煮物、天妇罗、5件手握寿司、海胆丼、汤、水果✨✨✨✨玉子豆腐选用嫩滑既淡路岛鸡蛋，铺上白饭鱼bb。味道比较淡，作为前菜十分适合。✨目一鲷配水云目一鲷系香港好少见，系我第一次食呢款鱼。鱼身较实净，味道清爽，有鱼肉既甜味。配埋滑捊捊既水云，酸酸地好清新。食完前菜就食刺身。当日serve我地既系Simon师傅。真系
餐厅取名位于日本西部既岛屿淡路岛，装修都系木系为主。一行入去见到bar枱位置，大概有9个座位。另外有3间房，每间可以坐4个人，亦可合并成为一间大房，坐到12人左右。
当日系食午餐，而午餐其实得1个omakase set架啫。就系$980有14品既omakase set。
由于餐厅要准备食材，记得要起码1日前book位呀。如果直接walk in既话净系可以嗌个$680 9件寿司既omakase set。
《竹》$980
前菜2款、刺身2款、煮物、天妇罗、5件手握寿司、海胆丼、汤、水果
✨✨✨
✨玉子豆腐
选用嫩滑既淡路岛鸡蛋，铺上白饭鱼bb。味道比较淡，作为前菜十分适合。
✨目一鲷配水云
目一鲷系香港好少见，系我第一次食呢款鱼。鱼身较实净，味道清爽，有鱼肉既甜味。配埋滑捊捊既水云，酸酸地好清新。
食完前菜就食刺身。当日serve我地既系Simon师傅。真系每道菜都好用心介绍，唔系求其讲2句就算。
✨长崎县平政鱼
平政鱼既肉质肥嫩，油脂十分平均，介乎油甘鱼同𫚕鱼之间。配微辣萝卜苗、四季红同青柠汁，酸酸地又辣辣地。
✨九洲鲛鱼
烧左个鱼皮逼返啲油脂出黎。上面系柚子皮，食落香啲。姜花同紫苏叶可以捞落淡路岛既豉油到提升香味。
伴碟仲有淡路岛既洋葱同萝卜，一定要试个洋葱！微微辣但系好甜!
✨东京穴子
即系海鳗。配日本菜心、豆卜同冬菇，撒上山椒粉。海鳗味道清淡得黎带甜味，肉质细致。
✨天妇罗
淡路岛洋葱、牛蒡、山菜、莹光鱿鱼
天妇罗好脆身，完全唔油
✨淡路岛兵库县手钓池鱼
手钓肉实啲浓味啲。上面系葱、姜容、柚子皮，搽左有拖罗油脂既豉油够晒味。
✨真鲷
真鲷鲜美。白身鱼本身都会较淡味，配昆布盐同有独特既香气同特殊辣味既山椒叶更可提升个味道。
✨野生吞拿鱼酱油渍
腌左10分钟既酱油，上面系七彩芝麻同烧紫菜。吞拿鱼入晒味，好腍身。
✨四国依左木
鱼皮烧左香好多。啡色既系淡路岛磨碎左炒过既洋葱，绿色既系柚子胡椒。食落有柚子香气同埋辣辣地。
✨长崎拖罗
撒上竹炭盐同芽葱，上下都有wasabi 。上面系磨左既wasabi，下面系wasabi茎。拖罗口感柔软，肉质鲜美，入口即溶😋
✨云丹丼
选用北海道海胆，落左柚子皮同wasabi。
海胆creamy得黎极其鲜甜，真系无得输👍🏻
✨暖笠笠既汤
✨日本蜜柑
生果都系拣最当造既，真系甜到不得了
张贴
