影片
更多
2015-03-25
1889 浏览
我从未食过炸串，上次去大阪都冇食到呢个名物。可能因为自己屋企都会炸嘢食，觉得冇咩技巧何言，驶乜俾咁多钱出去食唧。后来睇多咗日本饮食节目，先知道原来炸串都好多讲究，从油嘅种类，温度，炸浆，面包糠，到材料，蘸料都有研究，实非小弟所以为嘅手办眼见功夫。秀殿呢间隐世小店，座位大概十五个，装修简洁，吧枱座位可与日籍老板及女厨师倾谈饮食心德。老板同厨师之前响附近开餐厅卖蛋包饭，当时人头涌涌，坐无虚席。大半年前将餐厅结业，转阵到现址卖炸串，客人八九成系日本人，老板同厨师都操流利广东话，餐牌中日对照，咁就唔驶惊点错𩠌啦。坐低第一件事就梗系拣酒先啦，烧酎，梅酒，啤酒，连红白餐酒都有，烧酎梅酒个list有成十四板，上百个选择，唔识嘅可以话老板知你钟意嘅口味，佢会尽力介绍。我同啲人先来一个House shochu，味道清爽，偏淡，易入口。另一杯茜雾岛，带点花香，用芋花酵母酿制，味道较烈。有酒就点少得酒盗芝士呢，极软滑嘅忌廉芝士，牛奶味香，唔会太抢，夹住咸香嘅酒盗(鲣鱼肝渍)，芝士中和酒盗嘅腥味，入口甘香，下酒佳品。上炸串前，店舖供应椰菜片及味噌，客人可边吃炸串，边吃清爽嘅椰菜蘸味噌中和油腻感，厨师将麻油伴入
秀殿呢间隐世小店，座位大概十五个，装修简洁，吧枱座位可与日籍老板及女厨师倾谈饮食心德。老板同厨师之前响附近开餐厅卖蛋包饭，当时人头涌涌，坐无虚席。大半年前将餐厅结业，转阵到现址卖炸串，客人八九成系日本人，老板同厨师都操流利广东话，餐牌中日对照，咁就唔驶惊点错𩠌啦。
坐低第一件事就梗系拣酒先啦，烧酎，梅酒，啤酒，连红白餐酒都有，烧酎梅酒个list有成十四板，上百个选择，唔识嘅可以话老板知你钟意嘅口味，佢会尽力介绍。我同啲人先来一个House shochu，味道清爽，偏淡，易入口。另一杯茜雾岛，带点花香，用芋花酵母酿制，味道较烈。
酒盗芝士
$45
82 浏览
0 赞好
0 留言
椰菜片
81 浏览
0 赞好
0 留言
火腿芝士
$30
67 浏览
0 赞好
0 留言
蕃茄烟肉卷
$30
87 浏览
0 赞好
0 留言
新环境令我东张西望，眼尾睄到枝烧酎嘅招纸有个蒙面超人咁款嘅唛头，咪问老板咩黎。佢二话不说就倒咗啖我试，入口以为冇咩嘢，两秒后，哗! 辣椒味十足，仲几好饮添，不过唔饮得多。
和牛
$50
94 浏览
0 赞好
0 留言
紫苏梅子鸡胸
$35
72 浏览
0 赞好
0 留言
带子三文鱼籽
$35
66 浏览
1 赞好
0 留言
日本蚝
$45
127 浏览
0 赞好
0 留言
呢个时候啲人示意酒杯已干，系时候再来。为了满足味蕾，我点咗一set烧酎(麦，芋，米)，三种味道分别很大，米烧酎味清且香，芋烧酎果香味甘，麦烧酎味浓且辣。
得三细杯边够我哋饮吖，俾我见到枝椎茸(冬菇)烧酎，我点会唔试呢，不过女厨师话昆布烧酎仲好饮，咁就要试试啦。果然冇介绍错，昆布嘅umami同烧酎出奇地配合，回甘时可以清楚尝到淡淡昆布味。
左上顺时针: 麻糬, 明太子鸡胸, 鱚鱼, 香鱼
109 浏览
0 赞好
0 留言
鱚鱼散发油香，入口溶化，鱼味香甜。至于原条香鱼(Ayu)，甜味更甚，唯内脏味太浓且腥苦，影响食味。
茶渍饭
66 浏览
0 赞好
0 留言
食后感: 炸串俾好多人嘅感觉系油腻热气唔食得多，但当炸串嘅材料，用油，温度都咁讲究，出黎嘅炸串实在同炸三宝系天渊之别。而且日本人相信, 用面衣包裹新鲜食材, 最能确保食物嘅原味肉汁得以全面保存, 面衣亦能保护食材被免焦干. 主厨会因客人食速而烹调炸串, 每串都新鲜热辣, 非常细心. 经此一役，方知炸串有著非一般嘅学问。
题外话/补充资料：
同女主厨交流时问到，kushikatsu 同kushiage 嘅分别。来自大阪嘅女主厨认为，两者没两样，不过，关西人称炸串为kushikatsu，关东则kushiage。此外，关东人认为，kushiage 较高档次，于餐厅安坐享用，kushikatsu则较为平民，立食炸串店于大阪亦非常普遍。
(以上食记乃用户个人意见 , 并不代表OpenRice之观点。)
张贴
