甜CC 甜品店 (已結業)

门面点睇都系一间甜品店，入到去睇menu竟然有饭同劲多小食选择，真系估佢唔到！今晚嘅晚餐食得唔系好够饱，所以要点个饱啲甜品去顶肚， 顶肚之选当然系窝夫喇～雪糕鲜果窝夫～ 食窝夫当然要食佢个脆度同埋牛油味喇！ 呢度都冇令我失望， 而且鲜果份量算多 ，旁边亦有好香滑嘅忌廉， 雪糕方面，差唔多有十种口味去畀你选择，梗有一款会钟意。奇异果汁～ 最怕饮到啲加咗好多糖水嘅果汁， 饮得鲜果汁， 当然想真材实料啦！ 呢杯奇异果汁， 一饮就知道冇敷衍， 内里全是果肉同果汁！赞呀！