影片
更多
2018-11-03
103 浏览
日式铁板烧既餐厅越开越多，成日见到都好想试，今次终于的起心肝一试！左谂右谂，最后拣咗评价都唔错既鉄人旨花。我地拣咗伊势海老铁板烧餐。首先上咗手作前菜，有wasabi酱汁沙津同半生熟帆立贝配三文鱼籽。前者既沙津菜非常新鲜爽口，再加上酸酸地既酱汁，特别开胃；后者一上菜既时候见到有三文鱼籽都有啲担心，因为我平时好少食三文鱼籽，担心会好腥，所以通常可免则免，但估唔到呢度既一啲都唔会腥，再加上鲜甜既帆立贝，口感丰富了不少，特别好味，令到我即刻好期待下一道菜。主菜有法国犬牙鳕鱼，师傅会喺我地面前即场为我地炮制，有得睇又有得食，真系一大享受。师傅首先用洋葱同柠檬汁等配料煮咗𠮶酱汁备用，之后再将鳕鱼皮、皮下脂肪同鱼肉分别分开烧，我个阵见到师傅咁做真系睇到一头雾水，原来咁做仲可以用鳕鱼皮做装饰，睇得又食得。鳕鱼皮非常香脆，鱼肉则肉质紧实，酸酸甜甜既酱汁都冇盖过鱼既鲜味。之后就系今日既主角，海胆汁煮龙虾。可以见到师傅非常纯熟咁处理龙虾，非常轻松就将成条既龙虾肉拆出黎，再将龙虾肉切到方便入口既size，非常贴心。龙虾肉味道鲜甜，肉质结实，爽口弹牙；如果点海胆汁食又有另一番风味，店员介绍海胆汁加咗龙虾本身既膏
日式铁板烧既餐厅越开越多，成日见到都好想试，今次终于的起心肝一试！左谂右谂，最后拣咗评价都唔错既鉄人旨花。
我地拣咗伊势海老铁板烧餐。首先上咗手作前菜，有wasabi酱汁沙津同半生熟帆立贝配三文鱼籽。前者既沙津菜非常新鲜爽口，再加上酸酸地既酱汁，特别开胃；后者一上菜既时候见到有三文鱼籽都有啲担心，因为我平时好少食三文鱼籽，担心会好腥，所以通常可免则免，但估唔到呢度既一啲都唔会腥，再加上鲜甜既帆立贝，口感丰富了不少，特别好味，令到我即刻好期待下一道菜。
主菜有法国犬牙鳕鱼，师傅会喺我地面前即场为我地炮制，有得睇又有得食，真系一大享受。师傅首先用洋葱同柠檬汁等配料煮咗𠮶酱汁备用，之后再将鳕鱼皮、皮下脂肪同鱼肉分别分开烧，我个阵见到师傅咁做真系睇到一头雾水，原来咁做仲可以用鳕鱼皮做装饰，睇得又食得。鳕鱼皮非常香脆，鱼肉则肉质紧实，酸酸甜甜既酱汁都冇盖过鱼既鲜味。
之后就系今日既主角，海胆汁煮龙虾。可以见到师傅非常纯熟咁处理龙虾，非常轻松就将成条既龙虾肉拆出黎，再将龙虾肉切到方便入口既size，非常贴心。龙虾肉味道鲜甜，肉质结实，爽口弹牙；如果点海胆汁食又有另一番风味，店员介绍海胆汁加咗龙虾本身既膏，个人觉得海胆味道不算太重，但龙虾膏既味道几出，正啊！
除咗龙虾，我最最最期待既就系熊本县产既A5和王牛！我地嗌咗五成熟，不过师傅煎得略嫌过熟咗少少，但一啲都唔影响和牛既味道。首先食咗和牛既原味先，油香颇重，入口即溶，真系好好味，食完瞬间觉得好幸福！之后可以配wasabi一齐食，第一次尝试咁既配搭，系出乎意外地好match，wasabi既唔会盖过和牛既原味，仲可以中和到油腻感。亦可点岩盐或连蒜片一齐食，但个人比较推荐就咁食原味，真系好正！伴碟既有大啡菇、白露荀同南瓜，味道一样咁好，大啡茹充满住牛油香仲非常juicy，白露荀非常爽脆，南瓜则香甜可口。
食完和牛，仲有和牛炒饭，其实我同朋友去到呢个位已经有啲饱，但因为真系炒得好好味，我同朋友最后都食到一粒不剩。虽然系落咗蛋浆既炒饭，但依然可以炒到粒粒分明，果然看似简单既菜式其实都好考师傅既手势！
食完炒饭仲未完，仲有清酒煮蚬。汤非常清甜，蚬又大只又有鲜味，认真唔错。
最后当然要依甜品作结，有三款甜品可选，我拣咗红豆雪糕。红豆雪糕非常重红豆味，又不会太甜。由前菜到甜品全部都非常满意，今餐真系食得非常满足！
张贴
