影片
更多
2019-06-22
449 浏览
之前都有听朋友介绍过呢间小店既晚餐，但未有机会试过。今日咁啱做野过到黎中环附近打开OpenRice睇下有咩食就见到之前bookmark过既The Balcony，咁就打算上黎试一试。不过间铺都比较难揾，系北京同仁堂隔离条巷仔入面。可能12点早既关系，上到去我系第一个客人，侍应好快埋黎问我有无订台，如果无订就要坐露台位因为入面已经full booking，话出面会有风扇，我心谂三十几度㖞大佬🙄🙄咁当然唔制啦。之后问多句一点前交台有无问题，当然无问题就坐低左喇。因为天气实在太热，好钟意饮汤既我都拣左个头盘沙律。沙律汁预先同菜捞好左，配埋烟三文鱼开胃都唔错。主菜拣左个咖哩鱼柳配牛油饭，可能唔多人好快主菜就上到，咖哩唔算好辣不过好香，我估系有落椰奶，而且食得出有蒜蓉同姜蓉，🤔应该咖哩真系自己炒唔系买现成咖哩粉煮出黎。牛油饭亦有调过味，饭唔会太油，几好几好👍🏻👍🏻对于爱咖哩既我的确好有惊喜，唔洗10分钟只碟已经可以照镜😆最后，今日餐甜品系绿茶奶冻，对于唔太好甜品既我就无食到甜品。食饱个阵都见到开始坐满个场，咁我都饮埋杯橙汁就埋单走人喇。走个阵老板托员工都行出黎派张卡片比我，叫我有机会带埋朋友试下
可能12点早既关系，上到去我系第一个客人，侍应好快埋黎问我有无订台，如果无订就要坐露台位因为入面已经full booking，话出面会有风扇，我心谂三十几度㖞大佬🙄🙄咁当然唔制啦。之后问多句一点前交台有无问题，当然无问题就坐低左喇。
烟三文鱼薯仔沙律
15 浏览
0 赞好
0 留言
因为天气实在太热，好钟意饮汤既我都拣左个头盘沙律。沙律汁预先同菜捞好左，配埋烟三文鱼开胃都唔错。
自家制咖哩鱼柳配牛油饭
10 浏览
0 赞好
0 留言
主菜拣左个咖哩鱼柳配牛油饭，可能唔多人好快主菜就上到，咖哩唔算好辣不过好香，我估系有落椰奶，而且食得出有蒜蓉同姜蓉，🤔应该咖哩真系自己炒唔系买现成咖哩粉煮出黎。牛油饭亦有调过味，饭唔会太油，几好几好👍🏻👍🏻对于爱咖哩既我的确好有惊喜，唔洗10分钟只碟已经可以照镜😆
最后，今日餐甜品系绿茶奶冻，对于唔太好甜品既我就无食到甜品。食饱个阵都见到开始坐满个场，咁我都饮埋杯橙汁就埋单走人喇。走个阵老板托员工都行出黎派张卡片比我，叫我有机会带埋朋友试下dinner set😄埋单走人盛惠$150，中环区呢个价钱尚算合理，唔算太贵，可惜平时唔喺中环区返工，如果唔系都可以加入饭堂之一。
张贴
