樂天客棧 (已結業)

我记得我今年生日原定系喺乐天客栈庆祝，点知肠胃炎咗成个礼拜，结果今年生日乜都无得食……今次终于可以同个frd嚟食啦!入到去环境几舒适，我哋系坐最入果啲4人枱，位置宽敞，同隔离枱都有一定距离，唔会太近，方便倾计，而且有落地玻璃，可以睇到街景。打开Menu真系花多眼乱，好多未见过嘅菜式，所以都点咗啲特色菜!扣肉包系逐片计嘅，我哋点咗两片，个包exactly系台湾割包果种包，好软熟，我劲钟意食，扣肉甜甜地炆得好腍好入味，再配埋爽口新鲜嘅生菜一齐食，一啲油腻感都无，正!冰镇芥兰就食得多，冰镇苦瓜就第一次食!苦瓜切到好薄好晶莹剔透!食落好爽口，而且食落一啲都唔苦，只系有苦瓜甘味，再点埋桂花蜜糖一齐食，味道劲似台湾蜂蜜苦瓜汁!无论点唔点蜜糖，都几好食!当归炖鸡汤，药材味都算浓，而且几足料，一盅用半只鸡炖，可以分到6碗!见咖啡鸡咁特别就试下，入口好香咖啡味，后劲会有啲苦，而且鸡肉嫩，送饭一流，钟意饮咖啡嘅人应该会钟意食。茘枝咕噜肉，哩碟系唯一一碟有啲失望嘅菜，成碟咕噜肉，我一旧茘枝都揾唔到，味道其实同普通咕噜肉无乜分别。三色桂花班兰糕，由椰汁，班兰，桂花糕组成，质地都算实净，唔会一拮就散，椰汁同桂花