影片
更多
2010-10-16
211 浏览
7月31日, 是夜突然想食泰国野, 决定去泰简单walk in碰碰运气睇下洗唔洗等位. 可能时间尚早, 出奇地竟然星期六晚都唔算太多人, 等咗一阵就入得喇!::: 前菜 菜甫花生 ::: 附送花生好大粒! d肉煲到好淋, 味道咸咸地~ 菜甫好入味~ 系个几特别嘅前菜!::: 蟹肉粉丝生菜包 ::: $68作为头盘, 呢个粉丝包都算相当饱肚! 新鲜生菜上面有d好似米粉咁嘅粉丝, 再叠上鲜味厚实嘅蟹肉, 仲有d红椒丝同香草点缀下~ d粉丝好爽, 蟹肉味道唔错, 连埋生菜一齐食感觉好清新! 中间个酱系颇杰兼带辣嘅好似沙嗲酱嘅野, 用嚟点生菜包食又添一份惹味~ 不过两个人食就太饱喇!::: 金枕头 ::: $88好推介呢个金枕头!!! 系一大个焗到外脆内软入口松化嘅面包, 内里夹住浓郁嘅咖哩汁同蚬肉!! 呢个咖哩汁系完全唔辣架~ 系咖哩炒蟹个种汁, 而且加咗d甜椒同鸡蛋去煮, 味道仲有少少甜甜地~ 用嚟点包系超一流!! 不过又咖哩又蛋又面包, 两个人食其实都几漏…::: 传统炒河 ::: $70传统炒河有少少似港式嘅干炒牛河~ 不过呢个就加咗d泰式香料, 当中d杂菜都带有泰式风味. 河粉够晒
::: 前菜 菜甫花生 ::: 附送
花生好大粒! d肉煲到好淋, 味道咸咸地~ 菜甫好入味~ 系个几特别嘅前菜!
::: 蟹肉粉丝生菜包 ::: $68
作为头盘, 呢个粉丝包都算相当饱肚! 新鲜生菜上面有d好似米粉咁嘅粉丝, 再叠上鲜味厚实嘅蟹肉, 仲有d红椒丝同香草点缀下~ d粉丝好爽, 蟹肉味道唔错, 连埋生菜一齐食感觉好清新! 中间个酱系颇杰兼带辣嘅好似沙嗲酱嘅野, 用嚟点生菜包食又添一份惹味~ 不过两个人食就太饱喇!
::: 金枕头 ::: $88
好推介呢个金枕头!!! 系一大个焗到外脆内软入口松化嘅面包, 内里夹住浓郁嘅咖哩汁同蚬肉!! 呢个咖哩汁系完全唔辣架~ 系咖哩炒蟹个种汁, 而且加咗d甜椒同鸡蛋去煮, 味道仲有少少甜甜地~ 用嚟点包系超一流!! 不过又咖哩又蛋又面包, 两个人食其实都几漏…
::: 传统炒河 ::: $70
传统炒河有少少似港式嘅干炒牛河~ 不过呢个就加咗d泰式香料, 当中d杂菜都带有泰式风味. 河粉够晒油润, 咬落烟韧, 炒得都几入味~ 捞埋d蛋丝芽菜丝一齐食好好味! 垫底有d生菜, 都可以帮手索下d油~
唔知点解我地两个人唔系叫咗好多野, 但系样样都系大大份又漏又饱肚~ 每样都大概有3-4人份, 2个人食就唔叫得多… 搞到食唔晒要打包! 呢度环境好好, 装修充满泰色风情, 又有电视播住d泰文MV… 而d食物亦十分好~ 唔怪之得咁多人要等咁耐位都要嚟食啦! 其实仲有好多野想食, 尤其是个”泰霸道”!! 不过真系要同多d人嚟食先得啦~
张贴
