樂園素食

营业中

休息中

今日同妈妈去铜锣湾行街，平时饮茶食点心多，谂住揾啲特别嘢食下，上OpenRice介绍咗一间素食自助餐，即管去试吓！行到入去环境好舒服，坐低之后，服务员好细心俾我哋一人一对透明胶手套，出去攞嘢食要戴胶手套，去到食物区，见到部咖啡机，好高级🆙牛蒡红萝卜粟米汤，虽然系素汤，非常浓郁好味😋，睇到食物好多品种！主菜区比较多熟食🍱最特别系寿司区：三文鱼寿司🍣，吞拿鱼寿司，芝麻加州卷，鲜墨鱼寿司，蟹柳寿司，炸杂菜天妇罗⋯味道口感一流！仲要系素㖞！真系好高技巧👍🏻食物品种真系超过五十种咁多，真系数都数唔切，咁多品种，质素顶好，环境舒服，绝对值得再食！