影片
更多
2006-04-11
31 浏览
11-1-2006 1838难得一日蛇晒王出黎去威，尽庆完之后当然要食番的好野补充体力，本来在第2个地方搅掂，有朋友话这里会方便的，于是在这里安排饭局，还记得上次黎既时候是某一年的初春，不过席上的朋友已经换成另一批的「新世代」。该晚连埋我共有7位，被安排近门口的台，除了别人开门闩门要食风外，感觉上比上楼既一层好些少，连饭及汤我地叫了11道菜式，会逐一介绍。第1味系客家狗仔焖鲜羊肉，这味菜绝对没有你地好想食的配料如枝竹及马蹄，完全系靠羊的新鲜度、煮的方法及汁酱去完成，羊肉还有少少应该的鲜及膻味，还有系用gas炉上，汁酱收得好㶶，如大火既时候，的汁会弹到周围都系，要小心的，随羊附上生菜一碟，可以与羊一齐去滚，汁的精华落在生菜上，非常好食，就算有几好味的马蹄枝竹羊腩煲也要行埋一边。第2味系走地鸡半只，第1次见到个样时，仲以为白斩鸡，因为我妈妈乡下的出品通常系好薄皮及瘦，这里比较肥美，当然唔会肥到冇鸡味，食落去系新鲜货色兼有鸡的鲜味，皮如果薄及瘦番既，会更加好，后尾我地都整多半只。之后的上菜上台速度也加快了。跟住黎既两味比先前既清新既，前者就是水瓜煮鱼鳔，鱼鳔又名花胶/鱼肚/鱼胶，这里用了沙爆
难得一日蛇晒王出黎去威，尽庆完之后当然要食番的好野补充体力，本来在第2个地方搅掂，有朋友话这里会方便的，于是在这里安排饭局，还记得上次黎既时候是某一年的初春，不过席上的朋友已经换成另一批的「新世代」。该晚连埋我共有7位，被安排近门口的台，除了别人开门闩门要食风外，感觉上比上楼既一层好些少，连饭及汤我地叫了11道菜式，会逐一介绍。
第1味系客家狗仔焖鲜羊肉，这味菜绝对没有你地好想食的配料如枝竹及马蹄，完全系靠羊的新鲜度、煮的方法及汁酱去完成，羊肉还有少少应该的鲜及膻味，还有系用gas炉上，汁酱收得好㶶，如大火既时候，的汁会弹到周围都系，要小心的，随羊附上生菜一碟，可以与羊一齐去滚，汁的精华落在生菜上，非常好食，就算有几好味的马蹄枝竹羊腩煲也要行埋一边。
第2味系走地鸡半只，第1次见到个样时，仲以为白斩鸡，因为我妈妈乡下的出品通常系好薄皮及瘦，这里比较肥美，当然唔会肥到冇鸡味，食落去系新鲜货色兼有鸡的鲜味，皮如果薄及瘦番既，会更加好，后尾我地都整多半只。之后的上菜上台速度也加快了。
跟住黎既两味比先前既清新既，前者就是水瓜煮鱼鳔，鱼鳔又名花胶/鱼肚/鱼胶，这里用了沙爆鱼肚，虾米一的都唔少，水瓜亦是如此，加上鱼鳔本身的鲜味，也不须花「师傅」去锦上添花，还有肉碎，但显得有点画蛇添足；后者又系以虾米作为配料的清新菜式：云腿虾米鱼汤大芥菜，芥菜几靓，唔苦，加上其金华火腿及鱼汤的味道，作为系街外成日成肉的我(有时叫菜仲贵过叫肉)，也禁不住食了不少，尤其系的虾米，正所为宝物沈归底。
食完两味清清地的菜式后，系时候转一转口味食番的炸物，其中一款既系鸳鸯枣，当然唔系蜜枣，而系虾枣及墨斗枣的只拼，两样食物都系打去起晒胶先去炸，而不会炸定的先再翻炸，同甜酸酱一齐去食，简直系绝配，都系该句，新鲜炸上黎既，就要新鲜食，但切记要吹一吹先好食，整亲个喉咙就唔好啦，我就连铺在底下的生菜都唔放过。
只系菜，冇粒炒粉面饭点会饱，这里最出名的系猪油捞饭，间唔中食少少冇相干，不过所载的不是啡色的砵仔，而只是蒸饭所用的有花蓝色器皿，欠左少少风味，有所失望，饭仍然系一粒粒，而猪油及甜豉油都系微暖，味道当然系好啦，偶然放纵一下冇乜所为，如果的猪油系烧猪所提练出来既就更加正斗。
就先既两味以虾米作配料的其实可以算系汤菜一类的菜式，跟住黎就的菜式都系这样，今次就蕃茄作为配料，而主角就系懵仔鱼，又名鲸龙，肉质比较实同埋鞋，不过又唔系想象之中咁差，起码有得赵下的肉同埋皮，加埋豆腐卜浸在「汁」里，差唔多又俾我地扫清，这道菜的名称就是蕃茄炆懵仔鱼。以上的几道菜，已有肉及海鲜，都未够，系其他类型的海鲜，选取了姜豉葱爆珍珠螺，珍珠螺冇沙，唔知急冻或冰鲜，加上大量姜片及葱段去爆，炒得几香，不过一般食店处理有豆豉的菜式时，都犯上老毛病，只系浸过水就同其他材料一齐去煮，缺点就系使到豆豉的香味没有带到出来，要好味，浸完水后，要切碎，然后加少少生抽调味，如果唔系咁，不如唔落仲好，做装饰未轮到佢。
而有菜有饭亦当然要有汤，我地就叫了今晚的例汤石九公煲大芥菜，石九公爆香，然后落水，再加埋大芥菜，鲜味十足兼有些少奶白色的汤，自己连渣都饭同食了不少；另一味炸物系南乳香炸门鳝，南乳味好浓，门鳝又大件，炸得又香脆，连细骨都食埋落肚，系值得一叫的菜式。
最后一味系毫不起眼既虾酱蒸五层肉，我估计五层肉既意思系一层皮、一层肥膏、一层肉，之后再黎肥膏及肉，是晚大部份只有三层，睇落去有少少唔敢食，试过第1旧之后，就不断添食，原因系的油逼晒出黎，肉及肥膏一的都唔肥，加上虾酱够味，入左猪肉后更加突出其味道，个个都好怕咁，我就一于好少理咁清袋，底既只有一层好薄既油，当然系倒唔到出来。
埋单大约每位110蚊，相当有水准及有少少喜出望外，假以时日必会再翻炒。
张贴
