B哥車仔麵 (已結業)

今晚行开观塘，黎到平时lunch会经过既地方觅食，知道开左间车仔面就试下。门面已经有好清晰既餐单，仲有车仔面套餐包野饮添，一于试下个大b套餐。里面唔算大，但唔会话好迫，坐得算舒服。我地叫左个大b套餐，四𩠌面，同埋d小食，野饮方面叫左个红豆奶茶冰同青柠梳打。大b套餐好丰富，每样𩠌都有几旧，牛腩够入味，腍得黎爽，大肠唔会肥，卤得够味，鱿鱼淋身唔会un，最出奇既系豆卜，唔会太淋之余，仲里面酿左d饀好特别，令本身既豆卜更有口感。汤底都好好味依杯红豆奶茶冰，茶叶够涩够浓唔会俾红豆既味道盖过，红豆煮得够淋。另外叫左个油面，有厚餐肉，蚝油斋，香辣腩肉，墨鱼腐皮卷，个汤底都已经好浓郁，听老板讲原来每日凌晨3点左右敖出黎架D腩肉非常入味，墨鱼腐皮卷都好弹牙，都值得推介叫左个墨鱼饼同鲮鱼饼，都好鲜味呀，炸得唔会油，又啖啖肉，唔错。加埋杯青柠梳打，好满足既一餐饭，小小既铺头都可以俾到十足既味道。