山城小麵 (懷仁街) (已結業)

是晚收工同朋友去到大埔旧墟揾食，俾间门口光猛既重庆小面店吸引左，反正又未食过，就入左去揾野食！估唔到小小面店在晚饭时间都坐得满满，相信都系食开既街坊，坐位大约有三十个，独食位到十几人台都有！坐位唔算太迫，环境都几干净！小店主打各种重庆面食，小食，同冰粉等，价钱实惠，选择贵精不贵多，例如蒜泥白肉，尖椒流心皮蛋等，样样都好吸引！先嚟到既系酸辣粉，花生同辣椒香令到成碗面未食都好吸引，薯粉几烟韧！唔错！跟住嚟到既系蒜泥白肉，呢间小店既白肉肥瘦适中，最精彩系切得薄薄，令到白肉入口即溶，不会韧，辣味好惹味，做食到辣椒既香同辣，而唔系辣椒油既死辣！尖椒流心皮蛋，辣味同蒜泥白肉差唔多，不过多左d辣味更重既尖椒，配上香甜既流心皮蛋，一甜一辣，口感回味无穷！流心皮蛋晶莹剔透！最后出场既小食系红油抄手，皮薄馅都ok靓，一啖一只，辣味适中，唔错！等左一阵，我碗红烧肥肠面终于出场，辣椒味香，肥肠软稔有咬口！份量都唔错，另外要特别赞下佢哋既刀削面，台湾入口，同人手削出嚟无咩分别，又烟韧又弹牙，用嚟索埋d辣既汤汁真系无得弹！食到呢度其实都已经好饱，不过知道佢哋有重庆冰粉食，呢d咁有特色既食品，就算再饱，都一定要叫