甜記餃子 (已搬遷) 新店位置

今日睇完戏就黎食个晏。由于平时中午，晚上都好多人，要等好耐，因为系三四点嘅时间，所以唔使等位。客人得三四，职员企系到都有三四个，见到有客人呢都唔识叫人坐，木木独独或企喺度倾计。难怪忙嘅时，态度会都唔好啦。啲伙记都系靓仔靓妹，有倾有讲当然唔介意，但基本服务都要有。见到有个客人要order，个o靓仔冇谂住行埋去落单，净系带大叫问客食乜嘢，仲衰过茶记。叫咗十只，双拼汤饺，芫茜细肉同埋南瓜忌廉饺。芫茜猪肉一啲都唔出众，可能因为寻日食完皇后饺子嘅芫茜猪肉实在非常好味，好香，甜记呢间差得太多了。不过南瓜忌廉饺子实在不错，主要因为南瓜有甜味。辣菜脯都唔错，不过个饺子醋就系镇江醋味，麻麻。不过42蚊十只好抵啦，仲有一赞就系个汤底，我要左蕃茄薯仔汤，好味，饮晒！只可以话要等位等好耐我就唔会食，饺子仲有好多好选择，唔建议专登过嚟或者排好耐队食。