影片
更多
2023-08-17
638 浏览
我地星期六谂住行下围方，行到6点几肚饿，就周围揾野食，知道呢到有间名古屋过江龙，就谂住试吓啦大概行到7点到就去排队，已经打紧蛇饼，目测都有四个圈，咁一场嚟到点都试吓啦，再加上7点半关闭排到咁上下，有个侍应叔叔行出来话已经截龙，一日350碗，排到我哋后少少就卖哂，好难唔继续排，咁侍应叔叔都好好，同我哋讲唔好意思要等咁耐，又有茶俾我哋饮，态度真系好好㗎👍🏻👍🏻等咗差唔多个几钟，终于可以入得去，落单纸同menu好唔一样，Menu好多嘢，但落单纸就好多都无既😅咩泡菜乌冬、平乌冬都系无既😥咁我哋就嗌左炸猪扒、虾天妇罗同埋豚肉乌冬，另外仲叫咗吉列虾，炸豆腐同埋冷盘冻豆腐小食小食就不过不失，冷盘都几好食，几浓豆腐味，炸豆腐热辣辣👍🏻吉列虾个皮同天妇罗唔一样，吉列虾都唔错，唔会太厚粉👌🏻四个乌冬我哋分别净系嗌咗清汤同味噌汤，清汤就梗系冇问题啦，味噌汤亦唔算好咸，不过唔系同个乌冬好夹，无挂汁。至于面质方面，山本屋主打手打乌冬，可以睇得到乌冬条条大细不一，但食落去就冇滑溜感觉，可能系我唔好彩，我个碗口感亦都唔系几好，好似啲面团咁，亦都唔系好熟，完全冇平时食乌冬烟烟韧韧嘅感觉，加上同个味噌汤唔系好夹，难听啲
大概行到7点到就去排队，已经打紧蛇饼，目测都有四个圈，咁一场嚟到点都试吓啦，再加上7点半关闭排到咁上下，有个侍应叔叔行出来话已经截龙，一日350碗，排到我哋后少少就卖哂，好难唔继续排，咁侍应叔叔都好好，同我哋讲唔好意思要等咁耐，又有茶俾我哋饮，态度真系好好㗎👍🏻👍🏻
等咗差唔多个几钟，终于可以入得去，落单纸同menu好唔一样，Menu好多嘢，但落单纸就好多都无既😅咩泡菜乌冬、平乌冬都系无既😥
咁我哋就嗌左炸猪扒、虾天妇罗同埋豚肉乌冬，另外仲叫咗吉列虾，炸豆腐同埋冷盘冻豆腐小食
小食就不过不失，冷盘都几好食，几浓豆腐味，炸豆腐热辣辣👍🏻吉列虾个皮同天妇罗唔一样，吉列虾都唔错，唔会太厚粉👌🏻
四个乌冬我哋分别净系嗌咗清汤同味噌汤，清汤就梗系冇问题啦，味噌汤亦唔算好咸，不过唔系同个乌冬好夹，无挂汁。至于面质方面，山本屋主打手打乌冬，可以睇得到乌冬条条大细不一，但食落去就冇滑溜感觉，可能系我唔好彩，我个碗口感亦都唔系几好，好似啲面团咁，亦都唔系好熟，完全冇平时食乌冬烟烟韧韧嘅感觉，加上同个味噌汤唔系好夹，难听啲讲，丸龟都好食好多，所以我真系好失望🫠再讲下啲配料，炸猪扒见到有啲肉质有粉粉地，判断唔到系唔熟定系肉质系咁，不过食完系冇肚痛，不过就略嫌有少少厚皮，同埋唔系猪扒嘅口感，有少少似肉饼泥嘅口感，而豚肉同天妇罗虾都冇太大特别，系好正常嘅配料
个人认为真系唔需要排成个钟队去食，再加上佢嘅价钱唔系平，如果经过见到冇乜人排都可以试吓既，唯一可取之处系佢嘅侍应叔叔真系好好人，我哋买单俾钱都有问我哋好唔好食，我哋都如实反映咗，叔叔都话下次如果有唔熟既情况，即刻话俾佢哋知，等佢哋再煮多次🤥
题外话，我问咗侍应拎咗个七味粉，但系嚟到个樽未开封，虽然都唔系咩大事，我自己开返封就OK，但我谂佢哋都未完全ready好开张既感觉，不过如果系日本嘅过江龙，我会觉得有少少失望啰🫠
张贴
