樂天經典

营业中

休息中

唔系间间酒楼嘅中菜都整得有水准，特别系连锁集团，但将军澳呢间乐天经典就出乎意外地整得好有水准，每样菜都无令我哋失望。我哋今次就叫咗$398嘅星州盛宴2人套餐，仲叫咗黄金焗螃蟹$248。套餐份量非常多，由餐饮、前菜、热炒、蔬菜、饭面，到甜品咩都有，我谂3-4个人食其实都应该够🤭先讲吓焗螃蟹，个咸蛋黄好香，蟹嘅肉新鲜得嚟又多汁，好正，绝对对得起$248呢个价钱！至于其他菜式，每样我哋都好满意，尤其系咕噜肉同埋杨州炒饭，咕噜肉嘅汁酸酸甜甜，而且个肉炸得啱啱好，粉唔会太多，又脆又林，出色！而个杨州炒饭就炒得粒粒分明，好有镬气，食得出师傅整得好有工架！平时唔钟意食饭嘅我，都忍唔住系咁食！我亦都好欣赏呢度嘅饮品都几健康，有无糖豆浆可以拣，真系唔怕肥。至于啲甜品，香茅冻一啲都唔甜，绿豆爽嘅甜度亦啱啱好！总括嚟讲，乐天经典嘅菜式都几似家庭小菜，好食之余，又唔多油，唔似大排档啲小炒咁，咁重味精。