Mango Tree

营业中

休息中

咁大个仔第一次到园方食嘢，一嚟就食mango tree。间嘢有小小入，真系有啲难揾，但系见到位置咁偏都有唔少生意，就知佢有几好食啦。第一道食嘅系佢呢个头盘拼盘。以头盘嚟讲我觉得有小小heavy，食完之后都饱咗三成，系好系坏就见仁见智啦最值得称赞嘅系个青木瓜沙律。我平时就麻麻地青木瓜嘅，觉得有好大阵草青味，同埋好多渣口感唔好。但呢个青木瓜冇咁重草青味之余，又嫩又爽脆，配上酸酸地嘅调味真系特别开胃！跟住就到呢个冬阴功汤。见到餐厅真系落足重本，汤面有啲虾膏系度浮下浮下，成碗汤鲜到不得了。唯一有小小可惜嘅系好系碗碗嘅汤辣度都有小小唔同。我𠮶碗就啱啱好嘅，不过我啲朋友𠮶碗好似就特别辣，辣到佢饮唔晒（不过我觉得还好啦～）终于嚟到主菜啦！三款主菜我最钟意就系呢条鱼！鱼肉起晒骨又切成片，方便易夹易入口。外层有酸甜咸俱备嘅酱料包裹住酥脆嘅炸衣，而炸衣入面仲有紧实多汁嘅鱼肉，令人一口接一口完全停唔到落嚟！我原本已经食到10成饱，但系见到剩落嚟嘅鱼肉我都系忍唔住夹多两旧。呢个烤鸡就失色小小啦。肉质比较柴，食到一半牙骹都软。皮系烤得几脆，汁都都系好友东南亚风味，只可惜鸡肉嘅味道同个汁唔系好夹：鸡肉味道偏敦厚，