潮藝館

营业中

休息中

一向都好钟意食潮州菜，最近发现尖沙咀呢间新开嘅潮艺馆，就决定同屋企人试吓。首先系胡椒猪肚汤，有蜡烛热住啲汤，饮落辣辣哋，好暖胃，猪肚唔腥，仲有咸菜，好正。沙嗲牛肉炒芥兰份量都唔少，芥兰几新鲜爽口，沙嗲牛肉好淋好食。普宁炸豆腐几有惊喜，炸到外面好脆，入面啲豆腐好滑，仲有盐水点，食落冇咁热气。怀旧春菜煲有好多春菜，煲到冧晒咁好入味，同啲肥猪腩肉一齐食，够哂正宗，好好味。另外嗌咗个蚝仔肉碎泡饭，蚝仔够多，又肥美，有姜丝同埋猪肉碎，好大煲差啲食唔晒。甜品试咗燕麦一口薯，有四旧，好精致。主要系暖暖哋嘅紫薯，配埋燕麦同糖，好特别。