影片
更多
2022-11-03
923 浏览
不能称上是老顾客，但过去七年，每逢生日、结婚纪念日，每年总帮衬两三次。上星期日10月30日如常期待地去食晚餐，但失望嘅程度系不能形容，有一刻真系想起身走！平时叫开嘅清酒冇货，酒单上20多种选择，侍应话有四五种有货（理由系佢哋准备转酒单！）。食物方面，价钱大幅增加（为咗生存，其实明白），美国牛扒，由原先嘅三百几蚊加到$560。最唔满意系，平时食开嘅烧鱿鱼干，银杏，薯仔和梅饭团，全无供应！侍应话餐单转左好耐，我话我上一次嚟系5月1号，佢就话应该六月中转餐单。招呼我哋嘅厨师我第一次见；星期日晚，全场得两个厨师亦都系呢七年第一次见！另一边嘅厨师熟口熟面，有点头打招呼，另外只有一个侍应系有印象，人好似都换晒 …清酒先上，食物要等，食物质素尚算OK，生面口嘅厨师亦好殷勤招呼。但食完饭，行咗阵超市买𩠌，返到屋企即刻呕。我开头怀疑可能自己空肚饮多咗，有少少醉酒。点知第二朝临天光时分，老公起身屙咗几次，最后正露丸要出场 😔非常可惜，炉端烧已成为回忆，佢会喺我最爱嘅餐厅上除名！
不能称上是老顾客，但过去七年，每逢生日、结婚纪念日，每年总帮衬两三次。上星期日10月30日如常期待地去食晚餐，但失望嘅程度系不能形容，有一刻真系想起身走！
平时叫开嘅清酒冇货，酒单上20多种选择，侍应话有四五种有货（理由系佢哋准备转酒单！）。食物方面，价钱大幅增加（为咗生存，其实明白），美国牛扒，由原先嘅三百几蚊加到$560。最唔满意系，平时食开嘅烧鱿鱼干，银杏，薯仔和梅饭团，全无供应！侍应话餐单转左好耐，我话我上一次嚟系5月1号，佢就话应该六月中转餐单。
招呼我哋嘅厨师我第一次见；星期日晚，全场得两个厨师亦都系呢七年第一次见！另一边嘅厨师熟口熟面，有点头打招呼，另外只有一个侍应系有印象，人好似都换晒 …
清酒先上，食物要等，食物质素尚算OK，生面口嘅厨师亦好殷勤招呼。但食完饭，行咗阵超市买𩠌，返到屋企即刻呕。我开头怀疑可能自己空肚饮多咗，有少少醉酒。点知第二朝临天光时分，老公起身屙咗几次，最后正露丸要出场 😔
非常可惜，炉端烧已成为回忆，佢会喺我最爱嘅餐厅上除名！
张贴