石澗日本料理 (已結業)

谂住同太太去食下日式放题, 又唔想食亲都系𠮶几间，咪上去openrice 睇下食评，见食评都ok ，睇啲相、食物都几好，就决定去石涧试下，咁就book 定位。 Book咗位都要等，都唔紧要啦， 好食嘅店，多人等都正常。但系坐左成15mins 都冇人俾杯水，想俾order 纸又冇个人理你...都唔紧要啦，我当你人多一齐入， 应接不来。...任食两小时，开始计时间，有无人理我哋，咁点计先？ 另外, ORDER 纸都有讲明食物系要即时制作, 要等, 我都明...但系刺身都要等成20MINS 先有呢?! 无人理，又要等得耐...咁样就接近无咗一小时，有无搅错???? 第一Round到齐，Order了第二round，啲食物都未到，就叫我哋够钟last order???  热食的烧物冇样系热的.. 连清酒煮蚬都可以系紧紧暖，但刺身返而唔微暖，系咪搅错咗冷、热食物呀??? 又漏单, 又俾错食物隔离枱，Waiter又唔愿理你，俾野食纸好似得罪佢咁，想追单，你未讲完，Waiter都闪咗嘞！$236一位仲要加一，咁嘅服务态度都要加一???....真系食到一肚气...