石澗日本料理 (已結業)

來食過好幾次了, 食物其實仍不錯, 只是營商手法越來越差，明知叫10件來件係正常，但都不能叫了唔來KA7點正準時入座﹐5大2小朋友，小朋友是只得4歲，所以食好少，不過就算係$178/位小朋友，我地都覺得無問題第一張 ORDER 紙 7:10 寫了10件羊架 & 4件雞翼，無到；第二張 ORDER 紙 07:45 再寫了10件羊架 & 4件雞翼，依然無到，其後每ORDER一次，我地再追，食物依然無到8:30 WAITER 走埋來話 LAST ORDER，我問為何羊架雞翼仲未到，佢話廚房好忙，我話ORDER 了 1小時30分鐘，咩都煮到啦，佢話咁你欠D咩，佢吹下廚房，根住就行咗去女經理行埋來，我地再問佢，佢又話廚房好多單，做唔哂如是者，8:45 WAITER 走埋來想叫我地埋單，一望發覺枱面仍未有羊架就即刻調頭走，8:55 燒了近90分鐘既4件羊架終於登場，食完 WAITER 先走埋來埋單我淨係知道，做生意唔係咁做，你一係話比我知，羊架沽清咪算LOR，雞翼無咪算LOR，炭燒牛脷無咪算LOR大大碗既麵、飯就鬼咁快到.... 真係可惡 !

是晚諗住到石澗食放題減壓，成九點幾諗住唔駛等，點知滿座，店員抄低我個聯絡電話，聲稱有位就打俾我，結果呢？10幾分鐘後都冇收電話，我地再到餐廳望下睇下入得未啦！上到去門口冇店員，另外有其他食客站在門前，此時店員行出嚟，遲來既客人既冇登記，也冇訂枱，竟然可以先入去！店員知我地不滿，雖然講左唔好意思，但就話唔知我地邊個先，有冇搞錯，唔知就唔識開口問？咁你抄我個電話嚟做咩？咁鬼求其，唔係餓到快暈真係想即走呀！離哂譜呀！

之前路經LEE到，收過傳單，好似幾吸引，今日就來這裡試試喇三文魚~~~都OK肥美喎北寄貝~~~都係咁啦馬刀貝~~~爽爽地，甜甜地，好味甜蝦~~~好好好味呀，但就要自己搣殼囉帶子~~~味道淡左D，但就幾新鮮喎螺肉~~~切到細細粒，又幾鮮甜喎赤貝~~~都算幾鮮甜八八魚~~~有D"UN"喎蟹子沙律~~~青瓜好FRESH喎螺肉~~~好味海蜇~~味道好好呀！海蜇又好爽口喎壽司~~~好喜歡LEE度D壽司呀！細細件，而且個飯做得不錯呀墨魚鬚咖喱煮~~~賣相真係麻麻，一件都冇試過呀自家製牛肉粒~~~看似好"鞋"的牛肉，原來炆得好"林"好入味架超甜迷你蕃薯串燒~~~真係好甜架！不過唔夠熱囉牛油炒雜菇~~~味道唔錯鹽燒雞翼~~~真係好好正呀！皮脆肉滑呀！味道仲好好添地獄汁炒蜆~~~味道唔錯喎，蜆肉都好甜美喎 蟹粥~~~估佢唔到咁甜美呀！粥又夠綿喎，蟹又鮮甜雖然枱與枱的距離真係好近，環境都好噪，但食物質素很不錯，而且上菜速度超快而且冇漏單！值得一讚

識我既人都知我係超鐘意食，尤其喜歡大堆頭，什麼任食火鍋﹑韓燒﹑自助餐﹑日式燒肉放題等，總之放到一枱都係就最開心。而日式放題亦係我既心頭好，既可以食刺身，又可以食串燒﹑天婦羅，不過坊間放題質素參差，所以我老公唔多願意同我去呢！不過凡事總有例外，是晚應邀到位於尖沙咀厚福街既石澗日本料理，雖然唔講得上價廉，但絕對係物美。餐廳地方唔算好大，大概坐倒60-80人左右吧。枱同枱之間未算好逼，我地被安排坐卡座，所以都算舒適自在。食物方面大概分為刺身﹑壽司手卷﹑燒物串燒﹑天婦羅炸物﹑烏冬鍋物等，大部份都係大路款式，但佢既烹調做得唔錯，差不多款款都好好味！最出色係佢既刺身，出面一般只有三文魚﹑甜蝦﹑北寄貝﹑八爪魚﹑油甘魚，呢度有12款，除上述講的，仲有甘海老﹑馬刀貝﹑劍魚腩﹑赤貝﹑帆立貝等，雖然有啲地方都有赤貝同帆立貝，但肯定冇呢度既新鮮，賣相同食味俱佳，第一round固然靚，追加的都好得呀！其他比較特別而又好味既有蟹粥﹑芝士鰻魚飯﹑忌廉薯餅﹑迷仔蕃薯仔﹑天婦羅蝦及蟹棒﹑惹味既辣炒蜆等，我自己勁欣賞呢度既芝士菜式，餐廳毫不吝嗇既落足芝士，無論賣相﹑或芝味程度均冇得彈，尤以芝士年糕最出色，新鮮熱辣﹑軟糯又

一年前曾惠顧這店，早說過以後不會再來，怎知好友生辰早已訂位，實在十萬個不願意，還是要再光顧受氣多一次。一年前員工服務差、留單嚴重、食物上台亂。 一年後的今天，終於体會到一年前不是最差，今天可以更差。....真的不是最差，只有更差。員工十問九不應，黑口黑面。 見妳舉手叫佢，佢係妳面前都可以睇晤到、聽晤見。 留單情況更嚴重，Order 4次，只出1次，大家只好不停Order、不停寫，不停舉手，仲要係全枱人一齊舉手搵侍應，場面真的何期壯觀。侍應們在做甚麼，傾計嘻嘻哈哈是也，為何面對客人和同事之間的態度、咀臉可以180度轉？等、等、等，大家終於都等到第一碟食物，係order後的23分鐘，究竟是甚麼壽司？飯團全散的，刺身不新鮮之餘，更是暖的。 天婦羅竟是凍，入口油淋淋外，脆醬厚無比，連是吃了那款天婦羅也不知，只知自己吃脆醬中。 串燒又是凍，凍之外竟然燒到硬硬的，究竟串燒燒了多久?各位好友們，請不要再約我到這店吃放題了，無服務、食物質素差，價錢又不是特別便宜，為何還要貼錢買難受? 今時今日的香港，這樣的服務和食物質素，真的不可以。

一向很少寫食評，因為一直覺得好唔好食係好主觀、加上唔係好想影響店嘅升譽，但今次真係想係到表達下我自己嘅意見。自己嘅食量唔大，所以好少去食放題、自助餐。今次難得約到中學嘅好朋友們出街、食飯，就一齊去食下放題。我地上openrice 睇下食評，見呢間食評都ok ，睇啲相嘅食物都幾好，就決定去試下，咁就BOOK 定位(因為係星期六比較多人，所以係中午嘅時候打電話去BOOK位)。我地上到去嘅時候，就算BOOK咗位都要等，唔緊要啦， 好食嘅野，要等位都正常(我地大約等左20mins左右先入左)。但我地入左座成15mins 都冇人俾杯水比我地，想俾order紙又冇個人理 都唔緊要啦，但任食兩小時，開始計時間，無人理我地，咁係點計時間呢？？結果係埋單個震先發現放題時間係訂位時間計，而唔係入座起計，訂位個震waiter無提醒過佢嘅上菜速度好慢，我地叫刺身等左15mins都未有，而熟食就不斷地奉上，我地嘅刺身要等成廿十幾分先有。無人理，又等得耐...咁樣就無咗成一小時。第一Round嘅到齊左，我地再Order第二round，但啲食物都未到，個waiter就話我地夠鐘last order？！漏單, Wai

家姐之前食過話呢間放題都吾錯，難得今日十一放假吾洗翻學，咪同同學試下囉，點知中伏 知道今日假期等座會比較耐，所以一早就訂左枱，點知我地都要等半個鐘 好喇為左試下咪等囉一入座我地就即刻落單點野食，但我地等在半個鍾都未有野黎，就問下侍應系咪未落我地嘅單，點知佢話D單比左佢地就會落，問我地系咪無落單。我咪話：我地已經落左，可吾可以幫我地問下廚房有無我地嘅單。佢哦左一聲就走左。之後我地又等左十幾分鐘先有第一盆刺身出現。刺身吾系好新鮮，三文魚有D苦，希靈魚有D腥，甜蝦ok。第一次嘅炸物不太好，炸蕃薯，南瓜，芝士年糕，吉列帶子炸到有D黑黃色  之後黎嘅,味道還可以，不過我建議吾好食太多，因為太油膩喇。串燒做得唔錯，牛脷同牛助骨都好好味，不過有D串燒上枱個震已經凍左，呢样系佢地嘅串燒唯一吾好嘅野。

Farewell dinner，早一星期book咗8位，星期三晚七7點至9點時段，有一個輪椅使用者。我哋坐輪椅嘅1人同另外3人先入座，被安排到最入面嘅卡位，駁咗一張2人枱。我哋勁肚餓，先點咗第一輪刺身，分開兩碟上，但就冇嚟到油甘魚。油甘魚頭兩轉都冇嚟到，我相信只係因為未處理好。因為朋友們到齊後，我哋第三轉刺身開始有油甘魚，都好鮮甜。第一轉刺身，由遞單到上枱大概十分鐘左右，刺身基本上係新鮮的，又夠凍，唔會有擺咗好耐嘅感覺。三文魚刺身，佢會俾幾片腩位，口感會煙韌少少，有種油油嘅感覺。甜蝦要剝殼，而半熟蝦就已剝殼兼開邊，而且都好味，懶人想食蝦就可以揀半熟蝦。帶子刺身就普通size切薄片，上面加幾粒三文魚子，味道同質感都好適中，唔會過份爽口或太霉。希靈魚就比較實，而又比其他食店嘅酸，但個人嚟講都唔錯。劍魚腩，小弟平時比較少食，覺得有少少腥，咬落好濕，但唔會好似其他刺身咁有甜味，小弟就幾鍾意，其他人可能未必啱食。其他刺身小弟唔多喜好，冇食，但望落都好新鮮。壽司食咗鰻魚壽司，ok炸軟殼蟹卷都ok芝士券，面頭有片鰻魚，正。熟食方面，日式燒蠔好好食，有芝士喺面！因為佢4、5隻蠔仔喺個細鍋度煮，所以如果

諗住同太太去食下日式放題, 又唔想食親都係嗰幾間，咪上去openrice 睇下食評，見食評都ok ，睇啲相、食物都幾好，就決定去石澗試下，咁就book 定位。 Book咗位都要等，都唔緊要啦， 好食嘅店，多人等都正常。但係坐左成15mins 都冇人俾杯水，想俾order 紙又冇個人理你...都唔緊要啦，我當你人多一齊入， 應接不來。...任食兩小時，開始計時間，有無人理我哋，咁點計先？ 另外, ORDER 紙都有講明食物係要即時制作, 要等, 我都明...但係刺身都要等成20MINS 先有呢?! 無人理，又要等得耐...咁樣就接近無咗一小時，有無攪錯???? 第一Round到齊，Order了第二round，啲食物都未到，就叫我哋夠鐘last order???  熱食的燒物冇樣係熱的.. 連清酒煮蜆都可以係緊緊暖，但刺身返而唔微暖，係咪攪錯咗冷、熱食物呀??? 又漏單, 又俾錯食物隔離枱，Waiter又唔願理你，俾野食紙好似得罪佢咁，想追單，你未講完，Waiter都閃咗嘞！$236一位仲要加一，咁嘅服務態度都要加一???....真係食到一肚氣...

上星期朋友生日，選擇呢間從未試過嘅放題，聽講星期五，六都好多人，所以一早book定枱，點知去到話無我地記錄，搞咗成廿分鐘先入得入面d侍應態度仲差，我地第一張刺身單無寫枱號，個侍應竟然掉張單落枱同我地講“喂！寫返枱號”，仲慘過去大排檔第一碟刺身上到枱，我地點六件每人兩件，嚟得三件，仲要刺身嘅顏色灰灰黑黑，好似雪咗好耐咁（第二輪都係咁，之後我地都唔敢再叫）天婦羅d粉好厚，好似街邊果d係咁反炸嘅街頭小食串燒唔熱仲好硬壽司細細件，唔會食飯食飽，但係d飯又硬又散最好就係個蟹粥，係熱嘅總結嚟講，我成日去食放題，但係真係未試過一間咁差，我永遠都唔會再嚟

突然又想吃日式放題，睇完openrice，咁多好評，又話有信心，就去試試，有無攪錯，誤導食眾。 任食2小時，時間好重要，order了食物，好多食物等了接近一小時都未到，以為漏單於是補點，真係估佢唔到突然一次過嚟哂2 round食物，最慘一直以為漏單，所以2 round點嘅嘢相同，張枱又細，攪到滿枱都係相同食物，都未食到5份1，就話夠鐘last order，咁即係點? 食唔哂又話要賠錢，即係迫住唔可以叫第3 round....究竟係咪店舖察略㗎？ 眼見待應得2個，忙到失暈，你忙唔緊要，我追單、order你都應下我吖！坐係到無人理，等到待應得閒應嘞，就態度嚴重惡劣。嬲完一輪，到講這𥚃的食物，甜蝦剌身咪又係自已剝殼，真係唔覺得別甜，10隻有9隻蝦頭都有一大堆綠色物體，夠竟食唔食得㗎?!  刺身咪又係間間放題店都有的劍魚、赤貝、帶子、三文魚剌身囉，不覺特別新鮮同特別。壽司咪又係一樣囉，啲飯咪又係咁鬼大舊，最大問題係散嘅，點夾呀?  芝士焗蠔，蠔焗完超縮水，芝士? 點解無芝士味? 係蠔出水、還是芝士溝水呢?...溏心蛋? 面的顏色唔均衡，裡面過熟，呢啲唔係叫溏心囉！串燒真係令人更失望，燒到乾身又

本身見到雜誌見到呢間餐廳所post出黎既相都幾吸引，所以訂左呢間放題去食，咁打去訂位啦，以放題餐廳計算，接電話都快，唔洗係咁響，同埋接電話果個都好有禮貌。咁到當日去餐廳前見到其他食評話呢間放題只限一罐飲品，咁好啦，自己去買定先去，點知佢宜家已經可以無限飲。咁跟住入正題，當言食物方面，食放題我個人第一點既一定係刺身啦，由其因為雜誌同佢自己既宣傳都係話食材新鮮，我一放件三文魚入口，咬左10幾口，我完全感覺到佢所謂既新鮮，咁叫左其他熟食類，例如雞軟骨同芝士焗一口雞，一個字「咸」。但之後我叫左份羊鞍，都唔錯，幾好味！總結一下，員工既服務係幾好，食過6，7間放題，呢間既員工服務同態度都係比較好，但食物方面在於放題市場黎計，只好覺得無咩分別，但價錢上我本人覺得偏貴左少少。

日本的中低價放題，這可算是首選，而且如果你是主攻刺身的。食物質素不錯，種類多，可能是平日的夜晚，來食物的速度也算快，基本上你可以不用把所有的點菜紙一次過叫哂。不過座位太細，感覺好多人而且好嘈。刺身方面，大致上的種類都有，而且不會切得好細舊，不錯。串燒牛舌、雞翼、雞腎都係水準。不過好意外有糖心蛋，又幾好食喎﹗ 麻醬冷烏冬都是不錯之選。整體上，這個價錢，這個食物質素，我會認為是中上。不過，上次同朋友帶左個bb一齊去，竟然bb座椅壞左冇提供，這個要留意。

星期日突然想吃日式放題，於是即訂5:30pm較少人的時段。吃過石澗數次，是眾多日式放題中質素比較有信心的一間這𥚃的甜蝦剌身是要自已剝殼的，雖然吃時較麻煩，但卻較坊間的鮮甜，是每次例必encore的item還有其他放題較少出現的劍魚、赤貝和帶子剌身，齋吃剌身都已回本壽司都做得不錯，飯的調味適中而且小巧，不會因為是放題而做得大大舊的務求把客人塞飽。新推出的芝士焗蠔也做得不錯，不太吃熟蠔的我也吃了一隻。較有趣的是燒甜蕃薯，點了兩顆卻來了兩串，幸好是很細粒而且甜甜的頗美味自已很喜歡吃雞蛋，所以分別點了蒸蛋、溏心蛋和玉子燒，溏心蛋做得不錯，但吃一顆都頗漏，蒸蛋和玉子燒就普普通通啦。美中不足是這裡order了食物，但很多食物等了接近一小時都未到，以為漏單於是補點，之後卻來了第一回所點的食物及補加的，所以一定要問待應是漏單還是未做以免吃不下而浪費了食物。還有杯裝雪糕可以自取，但已太飽吃不下了

之前朋友話這間放題好味, 所以決定親身上嚟試一試.一出LIFT, 真係好多人. 好迫. BOOK左位都係要等….入到去坐, 環境好迫好嘈. 令人好吾舒服! 而且叫侍應落order. 叫左幾次先應…… 最吾好既係野食一嚟到,吾會埋你有無位放, 就係咁放落嚟. 所以我哋唯有好快咁食. 等佢有空間可放….刺身:賣相一般, 好似求其放係個碟度, 而且切口吾齊, 好似有人食過咁.至於味道尚算OK.但三文魚,希呑拿靈魚欠缺味道.幸好赤貝,帶子,入口都有鮮味甘海老, 味道一般, 而且要自己拆殼壽司方便, 選擇算多, 有象拔蚌同松葉蟹棒. 不過飯好多. 蒸旦, 只有一半, 但好好味.蟹粥, 好重味精, 有一隻蟹腳, 味道麻麻.豬軟骨湯拉面, 無豬骨味, 麻麻地.清酒煮蜆, 好勁酒味, 食落好苦, 啲蜆肉勁勁勁細粒.餃子, 油淋淋, 口感不好.飲品, 加左$20要左芒果乳酸及荔枝乳酸. 味道還可.加拿大海胆, 加左$38叫的. 雖然得兩片, 但每片都算大. 如果一心諗住食飽個肚, 呢度一定滿足到你, 如果諗住成班人食吓飯,傾吓計. 咁就真係一般啦.