一起果醬 (已結業)

好耐写食评! 但今次真系不得不写，因为真系好愤怒。初时睇到门口个餐牌，依个早餐的价钱真系唔平，但当时好肚饿好想食个靓早餐，所以二话不说就走入去。当时念依个价钱的食物质素应该不错，而且一朝早果杯咖啡对我系好重要，但无念过可以冲得咁难饮，我当时真系好嬲，从未试过饮到一杯咁难饮的咖啡，完全无咖啡味，好似一杯苦的水咁，而且加一服务后仲要收我40炆杯，依个价钱咁的质素，佢连收我10炆杯都唔值!同店员讲咖啡好难饮，佢哋都只系笑笑口无出声，一句歉意都无，太差，最起码都讲句话会改进吖! 讲真7仔卖果杯16炆的咖啡仲好饮过佢十倍!而果份英式早餐，无乜嘢特别，舖头以果酱做卖点，但食落去一般，太甜，食完好想饮水，而且抢咗生果本身的味道，多士唔够新鲜，所以咬落口唔够松软，但炒蛋算滑，烟肉和杂菌还可以唔算好干，肠仔咸味适中，所以整体果早餐都算合格，不过无惊喜。总括一定无下次，如果大家系为咗果酱而去食，我相信一定令你失望!