鼎爺私房菜 (已搬遷) 新店位置

朋友离开香港，想临走食好d嘅中餐，又讲唔出咩系（上海/西川/边炉/etc）,于是就谂起鼎爷私房菜呢间明星餐厅~ 我都系第一次试，预先去网站睇menu，原来午市有套餐，2位即可。去到首先觉得环境装修好优雅干净。跟茶有一碟凉果，很开胃。点心拼盘卖相几靓，不过味道唔多惊艳，都系传统味道。汤很好饮，好大盅，朋友同我讲笑点解饮极都饮唔完。菜我哋拣上汤煮，主菜加$98要啫啫鸡煲，主食要荷叶饭。上汤菜有d杞子好食唔错。啫啫鸡煲上台好吸眼球，因为佢哋会系面前撰d汁，好有烟雾效果。不过d鸡唔多嫩，食到有几件比较鞋，我朋友就话唔觉。荷叶饭有d似糯米鸡不过用普通饭，本来很期待，不过感觉普通。两个人不停食，到后来真系好饱，朋友呷两啖万寿果糖水就食唔到lu。我就觉得糖水几润，食晒。总计炖汤，上汤蔬菜，同糖水，成个午餐感觉饮咗好多水......d𩠌菜未必系最惊艳，因为始终系食开嘅广东菜，但环境服务好好，加埋而家食有抗逆价，整体系唔错食得过。