Lovever Patisserie

营业中

休息中

本身对可丽露都几偏爱，朋友话湾仔开左间小店，系主打可丽露同埋Dacquoise，二话不说就去买黎试下，店内几靓，以白色为主再加上好多花去点缀，好简约，主要系做外卖，卖既野亦唔多，有可丽露，Dacquoise，柠檬饼同埋贝壳蛋糕，我地买左两款Dacquoise，同埋两款可丽露试，Dacquoise,我地分别叫左rum酒提子同埋杂莓味，rum酒提子唔错，饼面做得好松化，中间夹层可能带有麻糬所以口感好烟韧，提子充满酒香，成个甜品又唔会太甜，好食。杂莓味道清新，又唔会太酸，但唔太特别，rum酒提子比较出色，可丽露分别试左伯爵茶同埋朱古力味，两款都好好食，朱古力味好浓，不过可丽露个面略嫌硬左些少，虽然脆，但软些少会好d,伯爵茶味就非常推介，伯爵茶香会慢慢渗出，非常好食，值得一试。总括呢间唔算平，但够精致好味，而且暂时香港有呢款甜品既地方唔多，值得一试。