漢年茶餐廳

营业中

休息中

昨晚无聊入去大围揾嘢食，七点左右发现好多舖头都似准备闩门冇乜客。七点廿五分经过汉年，睇见好多人，决定入去试试。入到去，阿姐望吓我，好啦做埋你啦，快啲叫食乜，七点半闩门嘞。咁我坐底想话睇吓餐牌，阿姐已经又问我食乜，我乱望墙上，见黑椒鸡扒，就随口话黑椒鸡扒，阿姐话猪扒啦，猪扒有嘢饮添，咁就猪扒啦。叫完，隔离搭枱人兄碟炒米粉上枱，哗香到飞起，想改，但见佢哋忙于执嘢收舖，算了。到碟猪扒饭上枱，一睇就知正，首先个汁够热够黑椒味，饭热又系我钟意嘅淋够索汁，猪扒唔系一块扁个种，系连骨带肥，好滑但又新鲜炸完有啲脆。好耐未食过咁正嘅猪扒，多谢阿姐介绍我叫猪扒。仲有杯冻奶茶，好滑，够奶味。食饭其间，不停有人入嚟，阿姐话闩门嘞，咁外卖呢，冇嘞，闩门嘞。可知这店在区内应好有份量。我再入大围，一定再去。