品坊 (已結業)

今晚去尝试从团购嘅自助晚餐， 入到去见到大部份餐枱都未有人坐， 心中已经打突， 跟住出去行咗一圈， 先尼睇吓有乜嘢食， 真系失望， 基本上以自助晚餐嘅要求， 食物种类很少， 以主代越南食品为例， 粉包淡而无味， 食落毫无美味可言， 跟住最多人客排队攞嘅生蚝， 当晚系苏格兰蚝， 十分细只但海水味浓， 但果位独自开蚝员工十分抵赞， 密密开无停过手， 又洗得十分干净， 为酒店攞返些少分。其次负责执拾客人用过杯碟嘅侍应可能十分不足， 往往食完几轮杯碟仍然留返系度， 原封不动， 而客人嘅背囊留系椅上亦未有用布袋覆盖， 欠缺安全同小心， 有待改善。鱼生亦唔系厚切， 加上唔系即切， 新鲜感欠奉， 而负责分切牛扒嘅女员工切得好薄， 有客人想要多块亦会拒绝， 实非酒店待客之道， 所以试完今次， 应该再无下次。