辣蟹舫 (已結業)

食物差，环境差，地点差，服务差。 价钱贵，冇味道。 炖汤成$300 ，冇味道。 招牌辣炒辣蟹$588，油浸一样，没有味道，只有过期油溢味，蟹太不新鲜。 老板话转左厨师，所以系咁差d，话左个厨师，但钱一样照收。鲍鱼冇味道，订位时话有8折，但佢话送左鲍鱼就冇，除返条数即HKD 70/只。黄金炸虾，冇蛋黄，一堆炸米粉荐底，完全唔知佢想点，洒楼炸虾角仲好味。茄子牛仔粒，完全分唔出边旧系茄子，边旧系牛仔粒，啲雪藏牛仔粒又霉又烂。厕所又有人煲烟，污糟邋遢。冇乜服务，仲要收+1 工厂区，停车场要搭车䢂，又冇免费停车。食食下部冷气机仲严重滴水，阿姐俾个刚刚洗杯的盆过来盛住，咁当然会弹到周围都系，之后佢就攞条布去垫个盆，但又唔理d水其实已经滴到个客衣物和手袋上面，搞左一阵先叫我地转桌，但好笑嘅系转桌要我地自已拎哂d野，我冇攞自已个杯，之后就一直都冇杯用。每位埋单四百几蚊，揾笨，回家个胃唔舒服，因为啲嘢食太多油。仲要煮返个公仔面食先够饱。