魚米家魚湯米線 (已結業)

车公庙站旁边，溱岸楼下嘅一间餐厅，室内环境舒服，座位宽敞，环境都唔错。下午两点到六点有下午茶餐，价钱由$33至到$40左右，有米线、饭、常餐、公仔面捞、多士及三文治等。款式好多，适合钟意食唔同嘢食嘅朋友。今次我哋叫咗长洲大鱼旦汤米线餐， $36包饮品一杯，真抵㖞。饮品叫咗热鸳鸯，咖啡味都几香，奶都几滑，味道唔错。鱼蛋米线份量都几多，米线几爽口弹牙，汤底比较咸，鱼蛋大粒，但只有两粒，比我想像中少，可能我期望太高，不过味道都算唔错。整体来讲呢间嘅下午茶餐都几抵食，够晒经济实惠， $40游走，有一碗面又有饮品，经济唔好嘅情况之下，呢度都系一间好嘅选择。