悅滿軒

老公𠮶日突然心血来潮，佢话同事介绍佢位于美孚𠮶边嘅一间餐厅，食物又高级又好食，就带我去食餐劲嘅。我哋嘅主食系✨美国顶级牛腹肉12安士✨烤西班牙伊比利亚黑毛猪鞍架配南瓜烩薏米，苹果牛仔汁美国顶级牛肉果然名不虚传，肉质厚实，十分鲜嫩，绝对系个顶级嘅食材。西班牙黑毛猪鞍架肉味香浓，堪称猪肉中嘅「和牛」，油润甘香，肉嫩多汁，口感同味道远胜一般嘅猪肉。我哋发现呢度只要$128，就可以任饮红酒同白酒，钟意饮酒嘅人当然唔可以错过。更令我哋惊喜嘅系法国生蚝居然只系$10一只，令我哋蠢蠢欲动，直接落单8只生蚝，边食生蚝边配白酒，真系享受。法国生蚝非常新鲜，果然系最好食嘅生蚝之一。甜品我哋食咗菠萝雪葩配沙巴翁，酸酸甜甜嘅味道为呢餐丰富嘅晚餐划上完美嘅句号。