The Luxe Seafood Bar & Resto (已結業)

是日到旺角食lunch, 家姐提议去朗豪坊依间新开既餐厅食buffet, 仲话好抵咁讲，咁就试下啦！去到12楼，见到门面已经觉得好唔错，装修好grand。但价钱完全唔系想像中咁贵甚至系平。入到去，周围既环境好吸引好舒服，岩晒同三五知己一齐黎high tea。一坐低我就出去拎野食，食物种类黎讲由于系tea buffet所以一定唔多，不过出奇地系有青口同虾拣，寿司只有几款，cake都一样，不过讲真108蚊你仲想点？So far食物都唔错，寿司几好食，不过虾就唔系好新鲜，而且近门口位夹野食果阵有好大阵臭味，但应该系唔关d食物事，希望餐厅方面可以注意一下，因为好影响食客既食欲。虽则食物种类不多，但食下食下已经好饱，撑住知肚走人，埋单每位只系108加一抵到呢。下次会试下晚餐buffet, 听闻生蚝任食，价钱二百多。