泰 (銅鑼灣廣場二期) (已結業)

同老公又想食泰国菜啦，之前朋友有讲过讲到有一间商场上面嘅泰国菜好好食，所以今次就去试吓，预先book咗位，因为怕太多人要等位，上到去都可以即刻入座，坐低咗之后睇Menu就拣咗一个头盘，当然系生虾，系我嘅至爱，然后就叫咗一个冬阴功汤，一个马拉盏通菜，一个薄饼，同埋一个咖喱炒软壳蟹，等咗一阵之后生虾就嚟到，入口唔差，都感觉新鲜，终于食到生虾嘅我表示满足，然后就嚟左冬阴功汤同埋马拉盏炒通菜，冬阴功汤都好好饮，不过酸咗少少，但系汤料好足够，有两只大虾，两只大青口，而冬阴功汤亦都会比个迷你酒精炉热住俾你慢慢饮，唔会冻哂，好有诚意，越饮越开胃，然后就轮到咖喱炒软壳蟹同埋薄饼嚟咗啦，薄饼会俾咗一小碗酱料俾你沾嚟食，平时出边食泰国菜嘅薄饼都唔会有呢个提供，但系佢哋有呢样真系值得加分，因为平时我哋就一定系预咗薄饼要另外再叫一个咖喱嘅料理去配嚟食，但系佢哋可以唔需要你额外叫一个咖喱，都有配料俾你去沾薄饼食👍🏻👍🏻👍🏻非常好，但系我哋唔知道，所以都叫咗一个咖喱炒软壳蟹，先讲咗个软壳蟹，软壳蟹啖啖肉，比咖喱汁包围着，好惹味，唔错唔错，不过软壳蟹比较难揾，会好似寻宝咁要喺咖喱酱汁当中揾佢出嚟，至于薄饼真系好酥脆