Brick by Brick

营业中

休息中

星期五放工想去中环SOHO区Chill一下，误打误撞入咗呢间马来西亚餐厅，招呼同食物都无得顶，老板娘好Nice介绍餐单，食物超水准。======= ======= ======= =======🍖火热砂煲肉骨茶$165（另有白饭、油炸鬼、蒜香饼）原个砂煲将食物保持原汁原味，药膳汤底非常浓郁、清甜完全无苦涩味，我哋成碗汤咁饮，非常养生；猪软骨非常软腍，另外仲有豆腐卜、金针菇、甘菇，呢度才送白饭真系一流。🍜酥炸梅子一口鸡辣沙面$118充满甘香梅子味嘅松脆炸鸡，第一次食呢个味，好有新鲜感好好味；马来西亚喇沙汤底惹味芳香带小小椰香味，而且铺满好多配菜好大碗，CP值好高。🪼日式水母刺身沙律$148一上枱我哋话「哗好大兜」😂有新鲜西生菜、芽菜、红萝卜丝、主角系水母Sashimi，味道鲜甜甜材料新鲜，非常开胃又醒神。⭐️整体来说，呢个价钱呢个食物水准位于中环SOHO区，非常超值，一定会再嚟帮衬。