石一燒 (九龍城) (已結業)

今晚同家姐食饭，揾到一间超好食的烧肉😍虽然位置有d隔涉，但好值得去！叫左个二人套餐$698，套餐好丰富：有前菜三款、沙律、味增汤、三款牛菇盛会、饭/乌冬、甜品同饮品。我欣赏呢间餐厅由前菜已经开始见到好花心机，而d牛牛好好味，食得出系有质素，最后仲可以玩埋茶艺。前菜三品👉🏻炸鲜奶入口即溶，奶味突出。辣带子裙边搭配麻辣酱汁好惹味，而蟹柳酸酸甜甜好开胃。🥣樱花虾味噌汤樱花虾密密麻麻，好香虾味，非常有特色。我饮晒。🐮呢个烧肉有三款肉，份量好多，A4和牛油脂爆棚，入口即溶，而封门柳就好juicy😙😙☕️普洱茶用来解腻一流。🍜稻庭乌冬手打乌冬好有咬口，连个猪骨汤底都好浓味，有心机！🍵日式甜品我超爱绿茶，所以好期待呢个甜品。将水倒入绿茶粉搅拌成绿茶浆，再加入云呢拿雪糕，绿茶粉茶味非常浓郁，云呢拿雪糕有粒粒云呢拿籽，超好味，绿茶控必试。最后！有得抽奖玩刮刮乐，我地中左一支酒💃餐厅楼底高，好舒服。