海膽仔

营业中

休息中

带埋个朋友仔约食饭，话想食日本菜，不过两个女仔食放题唔太抵，攞差唔多价钱食单点，食物质素更高更好食。今日就拣咗食海胆仔，真系非常满意。烧鲔鱼脑天丼 - 朋友讲鲔鱼脑系属于稀有部位，系鱼头顶嘅肉，听讲一条鱼剩系得小小2块肉…我试咗一片，非常肥美，满口油脂，口感软滑，炙烧过更加香！寿司定食 - 有海胆、赤虾、鱼子、带子、三文鱼、吞拿鱼。果然系海胆专门店，味道非常新鲜，口感浓郁，满口海胆鲜味。刺身嘅质素都好高，特别新鲜，尤其系鱼子同带子。定食仲有汤同沙律，性价比好高。倍化带子吞海胆 - 带子真的非 常 之 巨 大，亦都非常之新甜，加上招牌海胆，啖啖都觉得好奢侈，好幸福✨