慢煮工房 (已結業)

上次去工厦买蛋糕咁啱见到呢间慢煮工房星期日中午就黎试一试我地系第一抬客，店员都系啱啱开工有set lunch食，有汤有果茶南瓜汤，上抬好热，可能啱啱煲起，味道一般，带轻微南瓜味，质感唔太杰。蒜蓉多士都算几脆，蒜蓉味就一般，但算唔错，点汤食最好。厚切烟肉卡邦尼意粉，烟肉唔太多都算厚切既不过一粒粒。同普通烟肉卡邦尼意粉分别不大。慢煮三文鱼，系煮得几淋，个皮可以再脆啲，一切落去就已经feel唔到佢脆，反而食落就微脆。上面的seasoning都够，再加啲柠檬汁就香啲，但真系唔算特别出色。最大问题系佢上碟的时候系冻的，反而risotto系热，唔太明点解唔系整左risotto先煎个三文鱼🤔里面的三文鱼肉可以再煮耐少少，都系有啲undercooked。Risotto味道唔错，有好多碗豆，忌廉汁都浓郁，再多少少胡椒粉吊下味会更好。慢煮牛肋就唔错，够哂淋，肉味都浓，意粉正常冇特别。其实整体只能用普通两个字黎形容，所谓的慢煮，都真系所有野煮淋啲，但味道唔觉特别，质素一黎，价钱又唔系特别平，我试完个午餐已经冇兴趣再黎食晚餐。