增煇大排檔 & 增煇藝廚

营业中

休息中

前晚2个人想食大排档，行经爱文生，见到大排长龙，成条街坐满哂，都知有排等，就去左增辉，话哂年年都米芝莲推介，但真系好失望。鬼马炸油条，几好食，够脆，唔油腻，但呢个价钱，我会expect入面d味道再香d再重d士多啤梨骨，唔太掂，d骨好少肉，有d系2条骨夹住一片肉，食起上黎非常不便，仲要d肉又靭又硬，好痴骨，根本用筷子咬唔到出黎，要用手扯。个酱系普通甜酸酱，冇士多啤梨味。如果佢系$50-70一碟，我唔会有意见。但佢依家呢个质素系完全对唔起佢个价钱。仲有一碟冇影，海鲜杂菜煲，全晚最差... 落左好多好多姜，成煲冇鲜味得姜味，而且落咁多姜，都僻唔到佢d鱿鱼既腥味。d菜煮到林哂又黄哂。根本食到一半已经唔想食...另外讲下服务，d侍应系有礼貌，可惜唔算好爽手，坐低叫都叫左10分钟先有人黎落单。落4样野黎得3样，再催一催，原来有一样系落漏，我地直接话唔洗补落啦。因为以佢今晚呢个质素，已经唔需要再试... 埋单3样野加2个饭total $360，唔值呢个价同米芝莲推介，非常失望。