丼吉日式吉列豬排專門店 (The ONE)

营业中

休息中

丼吉算系我多年支持既食店之一，每年总会帮衬到3-4次。就算去到唔同分店，佢地个吉列都可以keep 到水准，十分赞。⭐️⭐️⭐️⭐️⭐️今次放工约左一班同事聚餐，选择左THE ONE 呢间分店，由于book 左枱，预留左卡位俾我地。座位非常阔，坐满6个人都唔觉迫挟。👍睇完MENU, 大家都心大心细唔知点拣，店员就建议我地叫2个3人set, 呢个set 包括有猪柳，猪扒，虾，蚝，所以绝对够3个人食。其实计落都好抵食，一次过食到4款招牌食物。当然仲有前菜，面豉汤，椰菜丝同白饭（任加）。🐖🦐🥢丼吉最出名系唔油腻，炸粉非常薄，所以唔会好热气。猪柳猪排系镇店之宝，一定唔会令大家失望，另外虾同蚝都极之出色，吉列虾好大只，有成只手掌咁大，吉列蚝应该系用上广岛蚝，再次要赞下个炸粉控制非常好。饭后店员会主动换上一杯热茶☕️及西瓜🍉（消暑），食完大家都捧住个肚离开。