影片
更多
2020-06-04
152 浏览
经过过呢间舖头好多次，一直心挂挂想去试。今晚男朋友话挂住日本，想食靓和牛，就入去试下啦。Niku niku作为一间高级和牛餐厅, 无论入面定出面既装修都好有格调，枱同枱之间有充足嘅空间，坐得好舒服。店员专业而且服务周到，好钟意佢地会主动帮手烤肉，而且对于各种唔同既肉都非常有认识，会烧到恰如其分既生熟度。感受到餐厅非常重视质素。材料方面，舖头提供既顶级和牛(除咗内脏)都系刺身级别， 由老板系日本亲自挑选再真空打包番香港。厨艺方面，餐厅五年黎都系同一师傅主理，令到餐厅食物质素可以更加稳定。每个座位都有一早预备好既三款酱汁，分别系烧肉豉油、面豉酱同柚子豉油，味道唔错...但基本上都冇机会用到，因为餐厅提供既肉本身已经好够味！另外想赞一赞，呢度提供既茶非常香，亦都有解腻作用。海胆和牛 $150上面既北海道海胆望落新鲜饱满，入口即溶，味香甘甜，而且份量满泻，A5和牛刺身好香肉味，一啖放入口系双重嘅满足。和牛西冷薄切配蛋汁 $499薄切和牛甘香肥美，口感软腍丰腴，咸咸甜甜既Sukiyaki 汁为其增加风味，沾上浓郁既日本无菌蛋蛋汁，层次又再升华。杂锦内脏盛盒$200牛舌每次食烧肉都一定会叫牛舌，但
Niku niku作为一间高级和牛餐厅, 无论入面定出面既装修都好有格调，枱同枱之间有充足嘅空间，坐得好舒服。店员专业而且服务周到，好钟意佢地会主动帮手烤肉，而且对于各种唔同既肉都非常有认识，会烧到恰如其分既生熟度。
感受到餐厅非常重视质素。材料方面，舖头提供既顶级和牛(除咗内脏)都系刺身级别， 由老板系日本亲自挑选再真空打包番香港。厨艺方面，餐厅五年黎都系同一师傅主理，令到餐厅食物质素可以更加稳定。
每个座位都有一早预备好既三款酱汁，分别系烧肉豉油、面豉酱同柚子豉油，味道唔错...但基本上都冇机会用到，因为餐厅提供既肉本身已经好够味！另外想赞一赞，呢度提供既茶非常香，亦都有解腻作用。
海胆和牛 $150
上面既北海道海胆望落新鲜饱满，入口即溶，味香甘甜，而且份量满泻，A5和牛刺身好香肉味，一啖放入口系双重嘅满足。
和牛西冷薄切配蛋汁 $499
薄切和牛甘香肥美，口感软腍丰腴，咸咸甜甜既Sukiyaki 汁为其增加风味，沾上浓郁既日本无菌蛋蛋汁，层次又再升华。
杂锦内脏盛盒$200
牛舌
每次食烧肉都一定会叫牛舌，但呢度既牛舌同其他地方嘅好唔同，原来高级牛舌系可以咁柔软多汁！真系好感谢店员为我地将佢烧到啱啱好。
横隔膜
脂肪唔多但口感鲜嫩得黎带咬劲，牛味非常浓郁，食落似肉多过似内脏。
牛肠
呢款系香港比较少见，但原来系日本人食烧肉是既最爱！望落油脂量非常多，但经店员专业地为我地烧过之后，唔少油脂已经滴落，食落冇想像中咁油腻，反而带独特既嚼劲，而且完全无腥味。
和牛拖罗盖饭 $175
食过好多次生牛肉，但第一次食完全冇筋既生牛肉！和牛油脂分布平均，入口柔润油香，真系有d似食紧肥美既顶级拖罗刺身咁，配上蛋汁同美味嘅白饭，呢份盖饭非常令人难忘。
和牛尾汤面 $165
最后就系呢碗好多人推介嘅汤面。望落平平无奇，嗅落香喷喷，先呷一啖汤色清澈既汤头，发现超级浓郁！店员话呢个汤底系用和牛尾同牛骨熬左四至五个钟，饮得出每一啖都系精华。汤头鲜甜，牛香浓郁，口感清爽唔油腻。面底口感清爽弹牙又挂汤，份量比想像中多既牛尾同少少附送既牛筋腩肉质软稔，虽然汤的香味已经盖过肉味本身，但成份牛肉汤面质素非常高，而且份量比想像中多，我地两个人每人都分到一碗半！
张贴
