早安越南 (已結業)

之前约咗朋友喺红馆有听歌活动， 去之前咁我哋两个就喺红磡到想揾啲嘢食食下咁见到有间越南嘢叫早安越南咁我哋两个就贪得意去试下。我哋叫咗鲜茄海鲜汤檬，越式炒金边粉，饮品方面我哋嗌咗椰汁绿豆冰及龙眼冰 。小食就有越式软壳蟹米纸卷。鲜茄海鲜汤檬:个蕃茄汤我觉得真系新鲜嘅， 我自己都几like ，蕃茄汤几鲜甜。 唔可以唔提佢个粉，粉非常之幼细，我自己试过其他店舖都是冇呢啲咁幼细且滑嘅粉，十分抵赞!越式炒金边粉: 个粉都炒得几好，因为佢唔算系太油，同埋干身，我最钟意就系啲虾，虾食落都几爽 ，同埋我觉得佢加咗啲蛋，我感觉非常好! 因为我自己好钟意食蛋再加埋个虾，好似食虾仁炒蛋， 当然如果啲蛋再加多啲，我就更加钟意 ，我觉得整体感觉良好。.越式软壳蟹米纸卷:系你啦, 我最爱食嘅软壳蟹🦀，软壳蟹炸得几脆, 算系炸得几好同香脆， 个米纸卷记住点少少汁食令到口感同风味一流，呢个我觉得一定要试。整体嚟讲如果有朋友行开红磡， 可以试下早安越南，因为我自己觉得， 个水准同埋食物都啱返我哋香港人嘅口味纯粹个人意见。😊