賞櫻 (裝修中)

最近听朋友讲中环新开左间 Omakase，为食嘅我又点会放过呢个机会啦 🤭 所以就约咗朋友一齐试试。当晚有三款套餐拣，我哋叫左中价位嘅「🌸」套餐。点完餐冇耐，侍应就递上餐前小食，鳕鱼干片脆卜卜辣辣地，忍唔住好快食晒。🤭有部分食材都未听过，师傅亦会耐心讲解每一款食材嘅来源地，制作方法同食法，相当之有 heart。角螺刺身超级正又爽又甜 😍 隔离嘅白虾亦都系冇得顶，连埋海胆一啖过食，好味到返唔到转头。🤤之后就到超级大只嘅生蚝 🦪 生蚝上重铺了银箔同厨师自家制嘅调味料，味道同口感都一绝。食完三款咁高质嘅菜式之后，估唔到下一款更有惊喜，呢度菜五款食材都各有特色，自己最钟意食中间嘅松叶蟹蟹冻配马粪海胆，味道又鲜又甜又浓郁。惊喜继续陆续有，之后就到拖罗三文治，两件肥美嘅拖罗，其中一件用火枪经轻轻炙烧，之后再用用豆纸同其他配料包住，口感外脆内嫩。😋寿司六贯 : 每款寿司都超正 🤤 自己最钟意食呢款 😍 海胆磨成嘅粉，铺满系寿司上面，味道浓郁又鲜甜。最后食埋两款甜品，超高质嘅Omakase。