影片
更多
2023-08-14
151 浏览
路经堡垒街发现麦记小食开左餐厅😮又唔驶等位同坐街边，立即坐低叫左两个套餐同老公试吓! 锅贴同生煎包依旧出色😋😋，酸辣汤有惊喜😋! 上海云吞面中规中矩👌冻奶茶同支装豆浆味道正常! 由于午餐时间，人流开始多。四眼女店员要求坐四位枱嘅三位食客放一个位出黎俾人搭枱，但男食客唔愿意因为佢话佢哋有嘢要倾🤔。其实午餐时间大家都会快快食完就走，尽量可以快啲番枱，特别系小店! 可能四眼女店员表达麻麻，激嬲三位食客，佢哋不断闹佢今时今日咁嘅服务态度仲咁差，唔会再帮衬等等! 然后娜娜声食完就走人! 我唔系帮小店，四眼店员态度真心唔算好差，只系表达能力麻麻哋! 而三位食客当小店系置地coffee shop咁坐又有啲说不通。香港人，午饭系休息时间，大家应该放轻松啲，以和为贵🤣🤣🤣 希望麦记“管理层”好好吸取今次经验，令店员，师傅同食客建立好好关系😃
张贴