影片
更多
2022-05-26
1446 浏览
好味指数😋😋😋😋回头指数 ⭐️⭐️⭐️⭐️⭐️开心指数🤗🤗🤗🤗🤗依家越嚟越多人食素，细细个时总系觉得中式斋舖嘅斋菜唔好食，因为劲油油腻，特别唔钟意𠮶D 好杰嘅芡汁。不过近年因为多咗人食素，已经有好多新派嘅素食店，食物质素都几好！而我本身对于人造素肉系冇咩好感嘅，唔太特别钟意扮肉嘅素食。朋友推介我试呢一间位于中上环中间嘅纯素(Vegan) 食店，我就去试吓！呢间楼上素食店只系开星期一至五嘅午市。朋友提我记得要 whatsapp 订位同埋预订食物，店主会早一晚 whatsapp send 菜单，当日10点前覆 whatsapp 食咩就得，店主有提供埋地点指示，都算易揾。我同朋友12:10 上到去，自己开门入去，陈设都几特别，仲播放住比较禅感嘅唱颂音乐。听到厨房有准备食物嘅声音，就自己揾位坐，跟住食客就慢慢自己出现，大部分都系一个人嚟，同埋应该系熟客，大家都好静，我同朋友都系细细声倾偈。套餐分别有$75 (纯素多国菜) 或者$65 (时令蔬食糙米饭)，套餐有餐汤同埋饮品。餐汤系自助嘅，店主不时会攞几碗出嚟，我哋因为拣咗一个食生餐，店主响 whatsapp 都写咗佢会另外出绿果菜露，所以我哋攞咗一碗餐汤
回头指数 ⭐️⭐️⭐️⭐️⭐️
开心指数🤗🤗🤗🤗🤗
依家越嚟越多人食素，细细个时总系觉得中式斋舖嘅斋菜唔好食，因为劲油油腻，特别唔钟意𠮶D 好杰嘅芡汁。不过近年因为多咗人食素，已经有好多新派嘅素食店，食物质素都几好！而我本身对于人造素肉系冇咩好感嘅，唔太特别钟意扮肉嘅素食。
朋友推介我试呢一间位于中上环中间嘅纯素(Vegan) 食店，我就去试吓！呢间楼上素食店只系开星期一至五嘅午市。朋友提我记得要 whatsapp 订位同埋预订食物，店主会早一晚 whatsapp send 菜单，当日10点前覆 whatsapp 食咩就得，店主有提供埋地点指示，都算易揾。
我同朋友12:10 上到去，自己开门入去，陈设都几特别，仲播放住比较禅感嘅唱颂音乐。听到厨房有准备食物嘅声音，就自己揾位坐，跟住食客就慢慢自己出现，大部分都系一个人嚟，同埋应该系熟客，大家都好静，我同朋友都系细细声倾偈。
套餐分别有$75 (纯素多国菜) 或者$65 (时令蔬食糙米饭)，套餐有餐汤同埋饮品。
餐汤系自助嘅，店主不时会攞几碗出嚟，我哋因为拣咗一个食生餐，店主响 whatsapp 都写咗佢会另外出绿果菜露，所以我哋攞咗一碗餐汤饮，餐具都系自助形式。
🍴餐汤
呢个汤入面有椰菜花，应该都有落南瓜，因为个汤系橙橙黄黄，成碗好有蔬菜嘅原味，唔似有添加盐，热辣辣好 creamy！
餐汤
43 浏览
0 赞好
0 留言
🍴绿果菜露
呢个系室温嘅，因为食生嘅意思，系唔会用超过47度以上去煮食物，咁就可以保持返食物原有嘅天然营养同酵素。个汤系浅啡带少少绿色，上面有车厘茄火箭菜同肉桂粉。呢个我觉得劲好味，甜甜哋好 fresh！虽然真系冇可能食得出系用咗咩蔬果制成，不过我相信系有落梨，因为好清甜，完全唔会有五青汁𠮶D 草青味！
绿果菜露
51 浏览
0 赞好
0 留言
🍴墨西哥卷迷蝶香茄子火箭菜 ($75)
卖相好吸引，仲配咗好多新鲜嘅沙律菜，同埋有少少熟嘅大白菜，墨西哥卷咬落去好 juicy，个卷同埋沙律嘅酱汁都好好味！
墨西哥卷迷蝶香茄子火箭菜
$75
60 浏览
0 赞好
0 留言
🍴食生餐 ($75)
呢个有翠玉瓜意粉、椰菜花饭配新鲜蔬菜、手炒番薯苗加芒果酱汁，嚟到发现劲大碟，色彩好缤纷。
食生餐
$75
52 浏览
0 赞好
0 留言
另外我哋都试咗两款 raw cake
🍴覆盆子杏仁批 ($65)
口感有少少似芝士饼，当然入面系冇芝士啦，问过店主系用咗覆盆子、杏仁、腰果、椰子油同 raw sugar 做，食到好香浓嘅nutty 味。
覆盆子杏仁批
$65
37 浏览
0 赞好
0 留言
🍴芒果忌廉卷 ($65)
上面铺咗一层肉桂粉，呢个质感比较软身，外层应该系用咗生果同nuts 混合做嘅，中间包住新鲜芒果。
芒果忌廉卷
$65
34 浏览
0 赞好
0 留言
两款 raw cake 都好好食，相比之下我会比较钟意杏仁批嘅口感多少少。
🍴红菜头时果果昔
因为大部分人都系饮呢个，店主分咗几段时间打咗果昔出嚟自己攞，呢个系冇添加，红菜头味比较出，我估都有落梨，因为有清甜味，至于再落咗咩嘢打埋就真系估唔到。
红菜头时果果昔
31 浏览
0 赞好
0 留言
🍴纯素美绿浆
呢款系朋友拣嘅，热饮，我试咗一啖，个味的确有少少似美绿，我估系用根茎类嘅植物整嘅，不过因为我本身唔特别钟意饮美绿，我纯粹八卦试味！
纯素美绿浆
16 浏览
0 赞好
0 留言
感觉到店主系非常有心推广纯素食，我自己觉得可以有机会食返蔬菜水果嘅原本味道，吸收返大自然俾我哋嘅营养，绝对系一个好好嘅体验。
张贴
