YOLO Cafe & Bar (已結業)

旺角好多间cafe我都试过晒，见呢间新新地嘅yolo cafe & bar仲未试过，就约朋友收工过黎食嘢吹水。本身我以为都系一般个d cafe小清新风，点知唔系㖞！入到嚟觉得d灯光好有格调，有霓虹灯同埋七彩缤纷嘅灯光，自己张枱仲会有一个细嘅波波灯，感觉几新鲜！食物方面，我地拣左三样野：慢煮温泉蛋卡邦尼意粉、焗芝士忌廉温泉蛋大啡菇、佛罗伦斯班尼迪蛋。由于太中意食温泉蛋嘅关系，我地原来叫咗三样野都系有温泉蛋😂而且每一个温泉蛋都系煮得啱啱好，劲流心，蛋汁香浓。每次切开只蛋见到d蛋黄流出嚟都有劲兴奋劲满足嘅感觉😍三样野都好好味，我最中意就系焗芝士忌廉温泉蛋大啡菇，大啡菇好juicy, 佢d菇味加埋蛋浆，有少少觉得饮紧蘑菇汤嘅感觉。中间夹住一d蔬菜，成个组合加埋好清爽，唔油腻！食完嘢紧系同朋友打下卡啦！呢度好多打卡位，好靓。而且好有空间感，唔会觉得要同人迫同人争先影到相。可以真正休闲舒适咁食野影相☺️同埋原来呢度仲会定期换明星嘅主题架！