世界の山ちゃん

营业中

休息中

今晚我们去咗「世界の山ちゃん」食晚饭！我们叫咗厨师沙律、香煎鳗鱼鸡蛋卷、鳗鱼饭、梦幻鸡翼、朴叶铁板烧、雪糕番薯件、煎饼同红豆班戟！厨师沙律嘅蔬菜非常新鲜！香煎鳗鱼鸡蛋卷非常有特色，因之前食过好多间都系用明太子做馅，而他们用鳗鱼嚟做味道较香，创意十足！鳗鱼饭嘅鳗鱼好大块，非常入味，酱汁浓郁同埋用正宗日本珍珠米嚟煮，值得一赞！梦幻鸡翼嘅味道非常好，炸得外脆内嫩，好干身同唔会有好油腻嘅感觉！系本人嘅必食推介！雪糕番薯件嘅番薯非常香甜，再加上雪糕一齐嚟食，简直系一个完美配搭！煎饼嘅蛋糕饼底非常松软，士多啤梨果酱亦唔系太甜，一个字「赞」呀！红豆班戟嘅非常足料，红豆又大又多粒！呢几款甜品都系本人嘅极力推介！另有多款特色饮品！