狎鷗亭居酒屋

营业中

休息中

朋友话尖沙咀酒吧街有间楼上铺系食正宗韩国菜，所以今日黎试吓，其实都唔难揾，望上去都会见到佢地嘅招牌。未上菜前，店员先攞咗6小碟前菜比我地，店员话自家制，食落又几好味，仲有我最爱嘅银鱼仔，每款前菜都好好味。辣牛什汤韩国牛什汤都系第一次试，估唔到都几好味，个汤辣辣地，饮落完全冇牛骚味，都几浓郁，入面有牛肚，牛肠等汤料，煲到几淋几入味，几好饮。辣鸡肉芝士锅芝士控必定试，铁板侧边有大量芝士，芝士都有2款，煮到芝士溶之后，店员就捞d芝士落辣鸡果度，夹起可以拉到好长嘅拉丝，辣鸡唔算太辣，鸡肉都几嫩滑，好啱香港人口味，锅入面仲有好多烟烟韧韧嘅年糕，锅边仲有几粒爆浆芝士鱼旦，一口咬落去d芝士涌嘅出黎，劲正。柚子柠檬丽塔有汽柠檬汁加埋柚子沙冰，饮落酸酸甜甜劲开胃。西柚丽塔苹果酒加埋西柚沙冰，又几match,甜甜地好易入口。