鈺膳潮州菜 & Bluemount (金朝陽中心二期 - Midtown)

营业中

休息中

今日朋友带咗我去铜锣湾登龙街一间潮州菜餐厅食晚饭朋友系潮州人而且食嘢非常高要求知道佢带得我嚟一定系好地方满心期待入到餐厅气氛环境好舒服通常香港地餐厅都系有种好逼夹嘅感觉呢度枱与枱之间都有一定嘅私隐度感觉几好我哋一行六人叫咗八𩠌一汤每道菜味道都有惊喜首先蚝饼啲蚝好足料而且真系用番薯粉传统嘅制法而唔系港式嘅炸浆口感烟韧 香口而不油腻份卤水鹅片味道真系一流鹅片唔肥唔瘦鹅汁齿颊留香仲有卤水腩肉 墨鱼 滑豆腐特别钟意师傅将腩肉切到厚薄适中有时出边食太厚食多几嚿都觉得好腻仲有特别想赞下条乌头一个字甜！非常鲜甜嫩滑！连唔食鱼嘅朋友试食后都觉得好食！一啲都唔腥亦唔会过咸！另外小食拼盘好大份送啤酒一流而且每样都真材实料！虾枣里面好似有啲马蹄口感清爽普宁豆腐好香脆我哋仲嗌咗方鱼肉碎蚝仔粥咸菜猪肚汤个个都赞不绝口最后甜品方面我都唔记得叫咩名总之有芋头同番薯够芋头好食到难以形容少少甜嘅汁包住好粉嘅芋头咬一啖即刻溶入口里面就算好饱都忍唔住口食多两旧！好耐冇试过食一餐咁满足嘅晚餐多谢我朋友介绍！见到好似话晏昼有得饮茶下次都试吓先！