樂口福酒家

营业中

休息中

同朋友聚会谂极都谂唔到咩餐厅，其中一个朋友就推介呢一间，咁我哋就谂住试一试啦。去到餐厅就发现冇乜人流，但系胜在可以任坐唔会限时间。舖头入边装修非常怀旧，应该系由1954年嘅装修保留到而家非常之有历史价值。同埋原来好多以前嘅港产片电影都喺呢度拍摄嘅。我哋叫咗几样小菜啦，同埋一啲潮州打冷，价钱其实都唔平，食落其实味道都不过不失。冇话特别有一样𩠌可以令人眼前一亮。店员有时会推介一啲嘢食，不过𠮶时我哋已经食饱咗，所以冇要到，睇落都唔平。不过佢哋好处就系唔会赶人走，可以坐好耐都得。同朋友聚会嚟讲都系想坐低倾吓偈，唔使俾人赶走，所以呢间其实都不错，不过嘢食方面就唔系话好特别好好食。