HeySoNuts

营业中

休息中

今日特登约埋朋友黎土瓜湾食晚饭，星期六夜晚大概6点钟到达，可能时间尚早，等左大约15分钟就有位。首先叫左杯hazelnut latte & 友人叫左jasmine tea饮。杯latte好好饮，香浓幼滑，唔太甜，绝对唔系出面连锁咖啡店既货色，两三啖就已经饮完。之后叫左个三文鱼忌廉蘑菇核桃猫耳朵，好香浓既忌廉汁，d猫耳朵粉好烟韧，配埋核桃碎，好有咬口，成个粉好creamy。甜品方面叫左caramel banana waffle & strawberry cotton candy panna cotta。个waffle 一上枱已经闻到好香，香蕉表面系微微烧过，有焦糖系上面。有cream有雪糕同custard酱伴碟。个waffle一食落囗就有好香浓既蛋香味👍👍好好味，佢系我暂时食过最好味个waffle，喜出望外。至于个士多啤梨奶冻造型突出，好有创意，奶冻好滑，配埋士多啤梨酱食落酸酸甜甜，口感丰富。呢间舖头由饮品、主菜到甜品都好令人满意，诚意推介，下次必定会再黎试过其他菜式。