楓．新日本料理 (已易手) 新餐厅

今晚一行4人，决定唔睇餐牌，全部厨师发办，第一味，刺身拼盘，蓝龙虾爽口弹牙，海胆鲜味十足，配少少白饭一齐食(厨师建议)真系非常美味，不过得两只差d唔够分。第二味，厨师介绍为，日式咸鱼，正名我唔记得问﹐但系我食完先知，原来条咸鱼系喜之次BB﹐味道还好，但我都系喜欢之前食过既汁煮喜之次。第三味，烧银雪鱼﹐非常厚身，鱼油丰富，绝无雪藏味，回味。第四味，松叶蟹煲乌冬底，呢个煲，真系好好食，除左好食仲要赞厨师既细心，所有蟹脚已经剪好晒壳，原全唔会食到轮轮尽尽，冇晒仪态。最后结尾，甜品唔少得，芝士年糕，百吃不厌。总结：实在系冇可挑剔的一餐，5道菜4个人食份量恰当，全部食晒唔洗浪费$450/位，价钱合理，只因地点唔太就脚，否则咁既价钱绝对冇可能食到我以上所介绍。我其实已经唔系第一次食，so far食左几次，真系每次都有惊喜，而且食物水准非常稳定，所以谂住介绍下比多d人知